Hurmatli foydalanuvchilar! Sayt test rejimida, tarkibni to'ldirish bo'yicha ishlar olib borilmoqda. Noqulayliklar uchun uzr so'raymiz. Sayt ma'muriyati.
Aprel 10, 2021

Ўзбекистон Республикаси Вазирлар Маҳкамасининг 2021 йил 5 мартдаги 122-сон қарорига асосан “Кам таъминланган оилаларни «Ижтимоий ҳимоя ягона реестри» ахборот тизими орқали аниқлаш ҳамда уларга ижтимоий нафақа ва моддий ёрдам тайинлаш ва тўлаш тартиби тўғрисида”ги Низом тасдиқланган.

Ушбу низомнинг 4-боби қуйидагича;

Болали оилаларга нафақа, бола парвариши бўйича нафақа ёки моддий ёрдам олиш учун аризаларни кўриб чиқиш тартиби

Оила аъзоларининг барча расмий даромадлари, шунингдек, оиланинг ҳар бир аъзосига тўғри келадиган бир ойлик ўртача жами даромаднинг ҳисоб-китоби, оила аъзоси номида мавжуд бўлган кўчмас мол-мулки ва автотранспорт воситалари тўғрисида маълумотлари ариза берилган ойдан кейинги ойнинг 1-санасига қадар «Ягона реестр» АТ томонидан автоматлаштирилган тарзда идоралараро электрон ўзаро ҳамкорликни қўллаган ҳолда жамланади ва ҳисоб-китоб қилинади.

Оилани кам таъминланган оила деб эътироф этиш ва унга болали оилаларга нафақа, бола парвариши бўйича нафақа, моддий ёрдам тайинлаш ёки тайинлашни рад этиш «Ягона реестр» АТ томонидан автоматлаштирилган тарзда амалга оширилади.

Қуйидаги ҳолатлар мавжуд бўлганда, оилани кам таъминланган оила деб эътироф этиш ва унга тегишли равишда болали оилаларга нафақа, бола парвариши бўйича нафақа ёки моддий ёрдам тайинлаш рад этилади:

а) ариза берувчи оиласининг ҳар бир аъзосига тўғри келадиган бир ойлик ўртача жами даромад ушбу Низомнинг 6-бандида белгиланган мезондан ошганда;

б) идоралараро электрон ахборот тизими орқали олинган маълумотлар бўйича Кўчмас мулк объектларига бўлган ҳуқуқларнинг давлат реестрида ариза берувчи ва унинг оила аъзоларида жами биттадан ортиқ кўчмас мулки ёки бир ва ундан ортиқ нотурар жой бинолари мавжуд бўлганда;

в) ариза берувчи ёки унинг оила аъзоларида қонун ҳужжатларида белгиланган тартибда ўз номига расмийлаштирилган ёки бош ишончнома асосида фойдаланилаётган:

ишлаб чиқарилган муддати 7 йилдан ошмаган, техник ҳолати соз бўлган автотранспорт воситаси мавжуд бўлганда;

жами икки ва ундан ортиқ, техник ҳолати соз бўлган автотранспорт воситалари мавжуд бўлганда;

г) ариза берувчи ва унинг оила аъзоларининг тижорат банкларидаги депозит ҳисобварақларида ариза берган ойда меҳнатга ҳақ тўлаш энг кам миқдорининг беш баравари ва ундан ортиқ миқдорда маблағлари мавжуд бўлганда;

д) ариза берувчи ва унинг оила аъзоларида ариза берган ойда меҳнатга ҳақ тўлаш энг кам миқдорининг беш баравари ва ундан ортиқ миқдорда бозор қийматидаги қимматли қоғозлари мавжуд бўлганда;

е) Ўзбекистон Республикаси Мудофаа вазирлиги, Ички ишлар вазирлиги, Фавқулодда вазиятлар вазирлиги, Ўзбекистон Республикаси Президенти Давлат хавфсизлик хизмати, Миллий гвардия, Давлат хавфсизлик хизмати, Давлат божхона қўмитаси, Мудофаа саноати давлат қўмитаси ҳамда уларнинг тизимидаги ташкилотларнинг хизматчилари ва ходимлари ёки уларнинг оила аъзолари (турмуш ўртоғи ва болалари) томонидан аризалар тақдим этилганда;

ж) болали оилаларга нафақа, бола парвариши бўйича нафақа ёки моддий ёрдам олувчи ва унинг оила аъзоси томонидан ушбу Низомнинг 11-бандида белгиланган тартибга риоя қилмаган ҳолда такрорий ариза тақдим этилганда. Бунда такроран тақдим этилган ариза «Ягона реестр» АТга киритилгандан сўнг ариза кўриб чиқилмасдан, аризачига рад жавоби аризада кўрсатилган электрон манзилга ёки СМС-хабарлар орқали мобил телефон рақамига жўнатилади;

з) оилада меҳнат органлари томонидан тайинланган ишсизлик нафақасини олаётган аъзолари мавжуд бўлганда;

и) оилада охирги 12 ой давомида иш қидираётган аъзоси меҳнат органларининг мақбул келадиган ишга доир таклифларини мунтазам равишда (икки ва ундан ортиқ маротаба) рад этганда;

к) даромадларнинг расмий манбаларига эга бўлмаган ва охирги олти ой мобайнида иш излаб меҳнат органларига мурожаат қилмаган ҳамда меҳнат органларида ҳисобда турмаган, ўзини ўзи банд қилган шахслар рўйхатига киритилмаган ёки ҳақ тўланадиган жамоат ишлари иштирокчиси ҳисобланмаган оиланинг меҳнатга лаёқатли аъзоси мавжуд бўлганда.

Ушбу қоида:

бола уч ёшга тўлгунига қадар уни парвариш қилувчи оналарга (уларнинг ўрнини босувчи шахсларга);

таълим муассасаларида ўқиётганларга (таълимнинг кечки ва сиртқи ўқиш ҳолатлари бундан мустасно);

ишламайдиган пенсионерларга, давлат пенсияси тайинлаш учун зарур бўлган иш стажига эга бўлмаган шахсларга ва меҳнатга лаёқатсизлик юзасидан нафақа олувчи фуқароларга, ОИВ инфекциясига чалинган шахсларга, I ёки II гуруҳ ва болаликдан ногиронлиги бўлган шахсларга;

амалда томорқа ер ва/ёки деҳқон хўжалигини юритиш билан банд бўлган оила аъзоларига;

16 ёшгача болаликдан ногиронлиги бўлган шахсларнинг оналарига (онаси бўлмаган ҳолда, отасига), оила аъзоси ҳисобланган I гуруҳ ногиронлиги бўлган шахсни ёки ўзгалар парваришига муҳтож бўлган 80 ёшга тўлган кексаларни парвариш қилаётганларга (ушбу маълумот Пенсия жамғармаси бўлими томонидан аниқлаштирилади);

чет элда ишлайдиган ёки чет элда тадбиркорлик ва бошқа фаолиятни амалга оширувчи оила аъзоларига;

оиланинг «Ҳар бир оила — тадбиркор» дастури доирасида (ўзини ўзи бошқариш органининг оила таркиби ва иқтисодий аҳволи тўғрисидаги маълумотида ёритилиши лозим) оилавий тадбиркорликда банд бўлган, бироқ ушбу дастур бўйича микрокредит олинган санадан бошлаб кўпи билан 12 ой банд бўлган аъзоларига;

суднинг қонуний кучга кирган ҳукми бўйича жазони ижро этиш муассасаларида эканлиги муносабати билан оилада бўлмаган аъзоларига;

туман (шаҳар) аҳоли бандликка кўмаклашиш марказига иш қидирувчи сифатида расмий мурожаат қилган ёки ишсиз сифатида рўйхатга олинган, ушбу марказ томонидан касбга тайёрлашга, қайта тайёрлашга ёки малака оширишга юборилган, шунингдек, ўзини ўзи банд қилган фуқаролар рўйхатига киритилган шахсларга нисбатан қўлланилмайди.

Ушбу бандда кўрсатилган мезонлар асосида болали оилаларга нафақа, бола парвариши бўйича нафақа ёки моддий ёрдам тайинлаш рад этилганда, ариза берувчига хабар «Ягона реестр» АТ орқали рад этиш сабаблари кўрсатилган ҳолда электрон шаклда (аризада кўрсатилган электрон манзилига ёки СМС-хабарлар орқали мобил телефон рақамига) юборилади.

Ариза берувчининг ушбу Низомнинг 6 ва 19-бандларига мувофиқ болали оилаларга нафақа, бола парвариши бўйича нафақа ёки моддий ёрдамни олиш ҳуқуқига эга эмаслиги «Ягона реестр» АТ томонидан автоматлаштирилган тарзда манфаатдор вазирликлар ва идораларнинг ахборот тизимларидан электрон шаклда олинган маълумотлар ҳамда фуқароларнинг ўзини ўзи бошқариш органи томонидан оиланинг таркиби бўйича тақдим этилган маълумотларга асосан аниқланади.

Манфаатдор вазирликлар ва идораларнинг ахборот тизимларидан ариза берувчи тўғрисида электрон шаклда автоматлаштирилган тарзда олинган маълумотлар «Шахсга доир маълумотлар тўғрисида»ги Ўзбекистон Республикаси Қонунига мувофиқ ҳимояланади. Ушбу маълумотлардан фойдаланиш ваколати Пенсия жамғармаси ҳудудий бошқармасининг буйруғи билан расмийлаштирилган масъул ходимга берилади.

 

Бюджетдан ташқари Пенсия

жамғармасининг Конимех туман бўлими

Aprel 9, 2021

Унинг очилиш маросими йиғилганларда илиқ таассурот уйғотди

Масжид – мўмин-мусулмонлар учун қадрли жой. Фақат ибодат маскани сифатида эмас, балки руҳий озуқа оладиган ва ўзаро биродарлик ришталарини боғлайдиган макон сифатида табаррук маскандир. Шунга кўра, янги масжид очиш, жомеларни бунёд этиш ва мавжудларини гўзал ҳолатга келтириш  – савоби улуғ амал ҳисобланади.

Охирги вақтларда юртимиздаги  масжидларда етарли шарт-шароитлар ҳозирлаш, ибодат қилиш учун қулайликлар қилиб бериш ва ваъз-насиҳатлар тинглаш учун кенг имкониятлар муҳайё этилмоқда.

Аллоҳ таоло масжидларни Ўзига энг маҳбуб маконлар қилган.

Набий соллаллоҳу алайҳи васаллам “Шаҳарларнинг Аллоҳга энг маҳбуб жойи – масжидлардир,” деганлар. Масжидлар ер юзидаги энг покиза ва тоза маконлардир. Уларнинг минораларидан муаззинларнинг овозлари янграйди, тавҳид калималари такрорланади. Масжидлар устига фаришталар тушишади, раҳматлар ёғилади, масжид аҳлини сакинат ўраб олади, масжид аҳлининг устига баракалар ёғилади. Масжидларда мусулмонлар бир-бирлари билан танишадилар, улфат бўладилар, бир-бирларига ёрдам бериб, ҳамжиҳат бўладилар, бир-бирларини зиёрат қилиб, бир-бирларига раҳм-шафқат кўрсатадилар. Бунинг натижасида ораларида боғланиш, дўстлик, меҳрибонлик кучаяди.

Масжидларда мусулмон авлод тарбия топади. Тавҳидни, Аллоҳга ихлос билан ибодат қилишни, Аллоҳни яхши кўришни, Унга юзланиб, тавба қилишни, Унинг ибодатларига бўлган рағбатнинг кучайишини, Унга исён қилишдан узоқлашишни, Ундан қўрқишни, Ундан умидвор бўлишни, Унга ихлос, таваккул қилишни, Унга ибодат қилишни, Унга бандалик қилишни ўрганадилар.

Динимиз бизларни масжидлар қуришга ва уларни обод этишга чақирган. Бу ишни жаннатга олиб борадиган ва Аллоҳнинг ризосига эриштирадиган йўл деб эълон қилган.                         Усмон розияллоҳу анҳудан ривоят қилинади:

«Расулуллоҳсоллаллоҳу алайҳи васалламнинг: «Ким Аллоҳнинг розилигини тилаб бир масжид қурса, Аллоҳ жаннатда унга ўшанинг мислини қуриб беради», деганлар.

Пайғамбар соллаллоҳу алайҳи васаллам шундай  марҳамат қилганлар: “Еттита иш борки, бандага, у вафот этганидан кейин қабрида ётганида ҳам ажри етиб туради: ким илм ўргатса ёки дарё кавласа,  қудуқ қазиса ёки хурмо экса, ёки масжид бино қилса ва  Мусҳафни мерос қилиб қолдирса, ёки вафотидан кейин унга истиғфор айтадиган фарзанд қолдирса”.

Ҳар бир мўмин, мусулмон одам Аллоҳнинг уйларини обод қилишга, унга инфоқ қилиб, моддий ободлигини зиёда қилишга, унда намоз ўқиб, маънавий ободлигини зиёда қилса  ва қалби доим масжидларга боғлиқ бўлар экан, икки дунёнинг бахту саодатига, хайру баракасига эришади, дейдилар.

Аллоҳга беадад шукрки, юртимиздаги барча  масжидларимиз кундан-кунга обод бўлмоқда. Кўп масжидлар замонавий шаклда таъмирланиб, чиройли ва қулай ҳолатга келтирилмоқда. Халқимиз бундай жоме масжидларда ибодатларини хотиржам адо этаётганларидан мамнунлар. Бу каби хайрли ишлар диний қадриятларимизга бўлган улкан эътиборнинг натижасидир.

Бугун кўп миллатли Конимех аҳли ҳам ана шундай нурли бир маскан, замонавий шароитдаги Масжиднинг очилиши арафасида  турибди. Ўзбекистон Республикаси Маданият вазирлиги, Навоий вилояти ҳокимлиги ҳар томонлама қўллаб-қувватлаши, хайрихоҳ ва саховатпеша инсонларнинг беғараз ҳомийликлари туфайли бугун туман марказида муҳташам, ўзига хос дизайн ва тарихий архитектура ечимларини мужассам этган янги масжид қад ростлади. Шарқона меъморий кўриниш ҳамда замонавий шарт-шароитга эга бўлган мазкур “Мих ота” масжиди бир вақтнинг ўзида 1000 нафардан ортиқ намозхонни ўз бағрига сиғдира олади.

Ушбу масжид қурилишида қўллаб-қувватлаган, ёрдам кўрсатган, саҳоватпешалик қилган барча тумандошларимиз, ва ташкилотларга ўз миннатдорчилигимизни билдирамиз. Бундай эзгу ишга ҳисса қўшиш истагидаги қурувчилар ўз маҳоратларини кўрсатиб, бор куч-ғайрат билан меҳнат қилди. Зеро, масжидни обод этишнинг савоби улуғ экани Ислом манбаларида баён қилинган. Бу ҳақда Анас ибн Молик (розияллоҳу анҳу)дан бундай ривоят қилинган: “Ким масжидда битта чироқ ёқса, ўша чироқнинг нури ўчгунича фаришталар у кишининг ҳаққига истиғфор айтиб турадилар”.

Дарҳақиқат, масжидлар ободлиги юрт ободлигидир. Зеро, масжидга ибодат қилиш учун келган халқимиз она-Ватан тинчлиги, халқ осойишталигини сўраб, дуо қилишади. Бу дуоларнинг шарофати ила Яратган юртимизни янада фаровон қилади, неъматларини янада зиёда қилиб беради.

Туман марказида қад ростлаган ушбу жоме масжиди, юртимиз мустақиллигининг 30 йиллиги кенг нишонланаётган ҳамда фазилатли, Муборак  Рамазон ойи олдидан халқимиз учун жуда катта туҳфа бўлди, барчани беҳад қувонтирди десак муболаға бўлмайди, албатта.

Азиз тумандошлар! Барчангизга муқаддас ва нурли макон – “Мих Ота” жоме масжидининг очилиши муборак бўлсин. Юртимиз тинч, осмонимиз мусаффо бўлсин!

Fevral 12, 2021

Бугунги кунда туманнинг умумий ер майдони 9.25 минг кв км ни ташкил этади.

Конимех туманида аҳоли сони 36179 (ўттиз олти минг бир юз етмиш тўққиз) нафар кишини ташкил этади, шу жумладан аёллар 17099 (ўн етти минг тўқсон тўққиз) та. Меҳнатга лаёхатли ёшда бўлган кишилар сони 24803 (йигирма тўрт минг саккиз юз уч), шу жумладан аёллар сони 12152 (ўн икки минг бир юз эллик икки) нафар. Шундан ўртача банд аҳоли сони 18005 (ўн саккиз минг беш) нафар киши бўлиб, шундан аёллар сони 8699 (саккиз минг олти юз тўқсон тўққиз) ни ташкил этади. Нафақахурлар сони 5106 (беш минг бир юз олти)та.

Тумандаги умумтаълим мактаблар сони 37 та бўлиб, шундан умумтаълим мактабларида ўқиётган умумий ўқувчилар сони жами 7195 (етти минг бир юз тўқсон беш) та ташкил этади. Туманимиздаги мактабгача тарбия муассасалари сони 13 та бўлиб, ундаги тарбияланувлар сони 1647 (бир минг олти юз қирқ етти)та.

Конимех туманида жами хужалик юритувчи субъектлар сони 1024 (бир минг йигирма тўрт)та, шундан фаолият юритмаётганлар сони 32 (ўттиз икки) та, шундан тадбиркорлик субъектлари сони 27 (йигирма етти)та, тугатилганлари сони 47 (қирқ етти) та, янги очилганлар 233 (икки юз ўттиз уч) та, фермер хужаликлари сони 203 (икки юз уч)тани ташкил этади.

Туманимизда жами оилалар сони 10207 (ўн минг икки юз етти)та, хонадонлар сони 8643 (саккиз минг олти юз қирқ уч) та, (туғилган)лар сони 796 (етти юз тўқсон олти)та, вафот этганлар сони 217 (иик юз ўн етти)та бўлиб, никох қайд этилганлар сони 271 (икки юз етмиш бир)та, ажралишлар 33 (ўттиз уч)тани ташкил этади. Туманимизга кучиб келганлар (бошқа туманлардан ва ҳ.к) 386 (уч юз саксон олти)та, туманимиздан кучиб кетганлар (бошқа Республикасдан ташкири ва вилоятларга) 357 (уч юз эллик етти)тани ташкил этади.

Dekabr 25, 2020

Мамлакатимизда ишбилармонлик муҳитини янада яхшилаш, барча хўжалик юритувчи субъектларни ҳар томонлама қўллаб-қувватлаш ҳамда уларга қулай шарт-шароитлар яратиб бериш борасида тизимли ишлар амалга оширилмоқда. Жумладан, давлат статистика органлари томонидан хўжалик юритувчи субъектлар учун барча турдаги давлат статистика ҳисоботларини Интернет тармоғи орқали электрон шаклда тақдим этиш имконияти яратилган.
Фермер, Деҳқон ва Қишлоқ хўжаликлари томонидан 2021 йил йиллда 2-марта ҳисоботлар бўйича 1-FХ shakli (2021 йил 1 январ холатига) “Фермер хўжалиги фаолияти тўғрисида”ги (2021 йилнинг 5-январидан кечиктирмай), 1-QХ shakli (чораклик) “Қишлоқ хўжалиги фаолияти тўғрисида”ги (топшириш муддати 2021 ийл 5-январдан кечиктирмай) давлат статистика ҳисоботлари Ўзбекистон Республикаси Вазирлар Маҳкамасининг қарори билан тасдиқланган Давлат статистика ишлари дастурига мувофиқ тақдим этилиши лозим.
Ҳисоботда хўжалик фаолияти натижалари тўғрисидаги маълумотларнинг тўғри ва ҳаққоний акс эттирилиши Республика ҳамда вилоятнинг иқтисодий-ижтимоий ривожланишида катта аҳамиятга эгадир.
Мазкур ҳисобот шаклларини Давлат статистика қўмитасининг расмий www.stat.uz cайтидан ҳамда уни тўлдириш ва электрон шаклда жўнатиш юзасидан 223-23-40 телефон рақами ҳамда 223-26-32 ишонч телефон рақами орқали тушунтиришлар олишлари мумкин.

Конимех тумани статистикаси бўлими
етакчи мутахассиси М.Боранбаев

Dekabr 25, 2020

Сир эмаски, бугунги кунда судлар фаолияти такомиллаштирилиб, янги босқичга чиқяпти. Бугун 23.12.2020 йилда Конимех туман тиббиёт бирлашмасида “Суд тизимидаги ўзгаришлар” мавзусида давра суҳбати ташкил этилди. Унда жиноят ишлари бўйича Конимех туман суди раиси Ф.Қаҳоров суд тизимида бўлаётган янгиликлар ҳақида атрофлича тўхталиб ўтди. Тиббиёт бирлашмаси ходимларига суд тизимида рўй бераётган ўзгаришлар яъни
– 01.01.2021 йилдан маъмурий ҳуқуқбузарликлар тўғрисидаги ишларни кўриб чиқиш ваколати маъмурий судлардан жиноят ишлари бўйича судларга ўтказилаётганлиги;
– суд ишларини назорат тартибида кўриш институтини тугатилаётганлиги;
– Ўзбекистон Республикаси Олий суди раиси, Бош прокурори ва улар ўринбосарларининг суднинг ҳал қилув қарорлари, ҳукмлари, ажримлари ҳамда қарорлари устидан назорат тартибида протест киритиш ҳуқуқи бекор қилинаётганлиги;
– 2021 йил 1 январдан бошлаб барча судларда суд мажлисларини иш бўйича тарафларнинг илтимосномаси ва раислик қилувчининг розилиги билан аудиоёзувдан фойдаланган ҳолда қайд этиб бориш ҳамда суд мажлислари баённомаларини ушбу тизимдан фойдаланган ҳолда шакллантириш;
– 2021 йил 1 июлдан бошлаб апелляция ва кассация инстанцияси судларида ишларни судьялар ўртасида автоматик равишда тақсимлаш;
– 2021 йил 1 октябрдан бошлаб барча иштирокчиларни суд мажлисларининг вақти ва жойи ҳақида «SMS» хабар орқали бепул асосда хабардор қилиш;
– 2022 йил 1 январдан бошлаб суд қарорларини иш бўйича тарафларга онлайн тарзда, уларнинг илтимосномаси бўйича эса қоғоз шаклида тақдим этиш;
– 2022 йил 1 июлга қадар суд ҳокимияти органлари фаолиятида, шу жумладан фуқаролар ва тадбиркорлик субъектларига одил судловга эришишда қулайлик яратиш мақсадида 10 га яқин интерактив хизматлар кўрсатишни йўлга қўйиш;
– 2023 йил 1 январдан бошлаб суд ишларини давлат архивига электрон шаклда топшириш ва қабул қилиш каби қатор янгиликлар амалга оширилиши ҳақида гапириб ўтилди.

ЖИБ Конимех туман суди раиси Ф.Қаҳоров

Dekabr 22, 2020

Республикамизда эса охирги марта аҳолини рўйхатга олиш ишлари амалга оширилганлигига 30 йил бўлди. Бунинг натижасида аҳолининг ҳақиқий ҳаёт тарзини ўрганиш ва уларга амалий ёрдам кўрсатишда қатор қийинчиликлар вужудга келди.

БМТ 2015 йилнинг 10 июнида “2020 йилда аҳоли ва уй-жой фондини рўйхатга олиш борасидаги принциплар ва тавсиялар” резолюциясини қабул қилди. Унга кўра, БМТга аъзо давлатлар камида бир марта аҳоли ва уй-жой фондини рўйхатга олишни ўтказиши белгилаб қўйилди. Бугунги кунга келиб, МДҲ давлатларида, шунингдек Ўзбекистонда ҳам бу жараёнга тайёргарлик ишлари бошланди.

Президентимизнинг 2019 йил 5 февралдаги “Ўзбекистон Республикасида 2022 йилда аҳолини рўйхатга олишни ўтказиш концепциясини тасдиқлаш тўғрисида”ги Фармони, кейинчалик жорий йилнинг 16 март куни имзоланган “Аҳолини рўйхатга олиш тўғрисида”ги Қонун, шунингдек, ушбу ҳужжатлар ижросини таъминлаш мақсадида қабул қилинган Ўзбекистон Республикаси Вазирлар Маҳкамасининг 2020 йил 11 ноябрдаги “Ўзбекистон Республикасида 2023 йилда аҳолини рўйхатга олишга тайёргарлик кўриш ва уни ўтказиш чора-тадбирлари тўғрисида”ги 710-сонли қарори  бу борада ҳуқуқий асос бўлиб хизмат қилмоқда.

Аҳолини рўйхатга олиш жараёни уч босқични қамраб олади. Биринчиси — тайёргарлик босқичи. Бу уч йилга яқин вақт давом этади.

Бунда, аҳолини рўйхатга олиш жараёнларида фаол иштирок этиши бўйича аҳоли ўртасида тарғибот ишларини олиб бориш, реклама роликлари, логотип ва шиорлар ишлаб чиқиш ҳамда аҳолини рўйхатга олиш билан боғлиқ ҳужжатлар, жумладан, рўйхатга олиш варақалари, рўйхатга олишни ташкил этиш ва ўтказиш, унинг натижаларини олиш ва эълон қилиш методологиясини ишлаб чиқиш ҳамда бошқа шу каби тадбирлар амалга оширилади.

Иккинчиси — асосий босқич 10 кундан 60 кунгача даврни ўз ичига олади. Бунда бевосита аҳолини рўйхатга олиш амалга оширилади, яъни аҳоли тўғрисидаги маълумотлар йиғилади, назорат текшируви ўтказилади ва рўйхатга олиш материаллари топширилади.

Учинчи босқичда аҳолини рўйхатга олишга доир бирламчи материалларни маълумотларни қайта ишлаш бўйича ихтисослашган тузилмалар томонидан қабул қилиб олинади, олинган материаллар автоматлаштирилган тизимда қайта ишлашга тайёрланиб, бирламчи маълумотларни автоматлаштирилган дастурларга киритиш учун кодланади, назорат ва таҳрир қилинади, аҳолини рўйхатга олиш бўйича дастлабки натижалар олиниб, олинган натижалар эълон қилинади ва тарқатилади. Мазкур босчиқ 2 йилдан 3 йилгача бўлган даврда амалга оширилади.

Ўзбекистон Республикаси Вазирлар Маҳкамасининг 2020 йил 11 ноябрдаги 710-сонли қарорига мувофиқ, мамлакатимизда аҳолини рўйхатга олиш 2023 йил 1-25 ноябр кунларида, шунингдек, республикамизда аҳолини синов тариқасида рўйхатга олиш тадбири 2021 йилнинг 1-25 ноябр кунларида Андижон вилоятининг Хўжаобод тумани, Тошкент вилоятининг Юқори Чирчиқ тумани, Хоразм вилоятининг Хива шаҳри ҳамда Тошкент шаҳрининг Яшнобод туманларида амалга оширилиши белгилаб берилган.

Руйхатга олишни ташкил этилишида асосан МДҲ давлатларидан Белоруссия, Россия тажрибаларидан фойдаланилди. Аҳолини руйхатга олиш бир ой давом этса, бирламчи натижалар 2024 йилда эълон килинади.

Руйхатга олиш жараёнида ҳар бир рўйхатга олувчига аҳоли пунктининг харитасидан келиб чиққан холда  350-450 кишидан, бориши қийин бўлган ва олис ҳудудларда аҳолининг сони ўртача 250 нафардан тақсимот килиб берилади. Рўйхатга олувчи 12 кун муддат ичида белгиланган аҳолини тасдиқланган шакллар асосида уйма-уй юрган ҳолда руйхатга олиб чикади. Олинган маълумотларнинг сир сақланиши кафолатланади. Тўлдирилаётган шаклларда ҳар бир шахс тўғрисидаги маълумотлардан ташқари, турар жойнинг хусусиятлари, яъни яшаш жойида мавжуд қулайликлар, шу жумладан санитария-гигиеник шароитлар, уй хҳжалиги аъзолари томонидан узоқ вақт мобайнида фойдаланиладиган воситалар билан таъминланганлиги тўғрисидаги маълумотлар ҳам олинади.

Ахолини рўйхатга олишда биринчидан, аҳоли сони тўғрисидаги аниқ маълумотга эга бўламиз, иккинчидан, ижтимоий-иқтисодий кўрсаткичлар, демографик ҳолат, аҳолининг жинси, ёши, миллати бўйича маълумотларни оламиз. Ушбу кўрсаткичлар Иктисодий ривожланиш дастурлари  белгиланишида ёрдам беради.

Ҳозирги пайтда дунёнинг деярли барча давлатларида аҳолини руйхатга олиш ишлар олиб борилмокда. Ушбу жараённи мувофаккиятли ва тўлақонли бажариш билан биргаликда республикамизнинг ҳар бир аҳоли пунктлари бўйича ягона ахборот базаси яратилади.

 

 

Конимех тумани статистика бўлими бошлиғи

Ж.У.Курбанбаев

 

Конимех туманида корхона ва ташкилотлар фаолиятининг умумий таърифи   (2020 йилнинг 1  декабрь ҳолатига)
(деҳқон ва фермер хўжаликларисиз)
  Рўйхатга олинганлар Фаолият кўрсатаётганлар
бирлик якунга нисбатан фоизда бирлик якунга нисбатан фоизда
Жами 812 100,0 784 100,0
шу жумладан:        
қишлоқ, ўрмон ва балиқ хўжалиги 173 21,3 169 21,6
саноат 131 16,1 126 16,1
қурилиш 39 4,8 39 5,0
савдо 170 20,9 163 20,8
ташиш ва сақлаш 8 1,0 8 1,0
яшаш ва овқатланиш бўйича хизматлар 68 8,4 62 7,9
ахборот ва алоқа 8 1,0 8 1,0
соғлиқни сақлаш ва ижтимоий хизматлар кўрсатиш 6 0,7 6 0,8
бошқа турдаги хизматлар кўрсатиш 209 25,7 203 25,9
       
Рўйхатга олинган ҳамда фаолият кўрсатаётган кичик тадбиркорлик субъектлари иқтисодий фаолият турлари бўйича сони
      Жами 683 100,0 655 100,0
шу жумладан:        
қишлоқ, ўрмон ва балиқ хўжалиги 166 24,3 162 24,7
саноат 131 19,2 126 19,2
қурилиш 38 5,6 38 5,8
савдо 169 24,7 162 24,7
ташиш ва сақлаш 8 1,2 8 1,2
яшаш ва овқатланиш бўйича хизматлар 68 10,0 62 9,5
ахборот ва алоқа 7 1,0 7 1,1
соғлиқни сақлаш ва ижтимоий хизматлар кўрсатиш 3 0,4 3 0,5
бошқа турдаги хизматлар кўрсатиш 93 13,6 87 13,3

 

Конимех туманида асосий капиталига киритилган инвестициялар ва қурилиш ишлари тўғрисида маълумот
(2020 йил январь-ноябрь)
Млрд. сўм Ўсиш суръати, %
Қурилиш ишлари ҳажми 65,1 108,7

 

Конимех туманида саноат маҳсулоти ишлаб чиқариш тўғрисида маълумот
(2020 йил январь-ноябрь ой учун)
Млрд. сўм Ўсиш суръати, %
Саноат маҳсулоти 360,0 114,9
Истеъмол товарлари 80,6 104,4
Иқтисодий фаолият турлари бўйича саноат маҳсулоти
турларини ишлаб чиқариш (йирик корхоналар бўйича)
тонна Ўсиш суръати, %
Фосфинатлар, фосфонатлар, фосфатлар ва полифосфатлар, минг т 512,2 104,1

 

Конимех туманида иқтисодий фаолият турлари бўйича
бозор хизматлари ишлаб чиқариш
(2020 йил январь-ноябрь ой учун)
Млн. сум Ўсиш суръати, % Жамига нисбатан, %
Хизматлар – жами 151 344,0 102,2 100,0
шу жумладан асосий турлари бўйича:
алоқа ва ахборотлаштириш хизматлари 1 090,3 110,8 0,7
молиявий хизматлар 0,0 0,0 0,0
транспорт хизматлари 35 999,1 100,8 23,8
шу жумладан: автотранспорт хизматлари 33 129,3 100,4 21,9
яшаш ва овқатланиш хизматлари 6 403,2 95,0 4,2
савдо хизматлари 81 421,7 98,9 53,8
кўчмас мулк билан боғлиқ хизматлар 4 517,9 87,9 3,0
таълим соҳасидаги хизматлар 3 630,5 101,0 2,4
соғлиқни сақлаш соҳасидаги хизматлар 784,3 105,0 0,5
ижара хизматлари 2 992,5 94,6 2,0
компьютерлар ва маиший товарларни таъмирлаш бўйича хизматлар 2 835,6 96,5 1,9
шахсий хизматлар 3 868,7 93,7 2,6
меъморчилик, муҳандислик изланишлари, техник синовлар ва таҳлил соҳасидаги хизматлар 1 137,1 100,8 0,8
бошқа хизматлар 6 763,1 102,3 4,5

 

Конимех туманида чакана савдо айланмаси таркиби
(2020 йил январь-ноябр ойлари учун)
млрд. сўм 2019 йил январь-ноябрга нисбатан фоиз Якунга нисбатан фоиз
Чакана товар айланмаси 185,9 101,5 100,0
      шу жумладан:
Йирик савдо корхоналари 6,3 761,1 3,4
Кичик бизнес ва хусусий тадбиркорлик 179,6 98,5 96,6
шу жумладан: уюшмаган сектор (ташкил этилмаган савдо фаолияти) 7,8 58,3 4,2

 

Конимех  туманининг ташқи савдо айланмаси
(2020 йил январь-ноябрь ойлари учун)
млн. АҚШ доллари
январь-ноябрь 2019 йил
ноябрга    нисбатан фоиз ҳисобида
2019 й. 2020 й.
Ташқи савдо айланмаси 2,9 4,4 155,1
шу жумладан:
МДҲ давлатлари 2,4 2,1 87,5
бошқа давлатлар 0,4 2,3 530,8
Экспорт 1,4 1,1 73,8
шу жумладан:
МДҲ давлатлари 1,30 0,96 73,3
бошқа давлатлар 0,14 0,1 78,6
Импорт 1,4 3,4 238,1
шу жумладан:
МДҲ давлатлари 1,1 1,2 104,1
бошқа давлатлар 0,30 2,2 741,3

 

 

Конимех туманида фаолият юритувчи корхоналарнинг дебиторлик ҳамда кредиторлик қарздорлиги тўғрисида маълумот
2020 йил 1 октябрь ҳолатига,                                                                                                               минг сўмда
Жами дебиторлик қарздорлик 196 289 428
шундан: муддати ўтган
Жами кредиторлик қарздорлик 84 101 617
шундан: муддати ўтган

Spelling error report

The following text will be sent to our editors: