Kategoriyalar: Tuman yangiliklari

Kichik korxona va mikrofirmalar tomonidan 2021 yil uchun 1-kb (yillik) statistika hisobotini ESTAT 4.0 (hisobot.stat.uz) axborot tizimi orqali
2022- yilning 25- fevralidan (xorijiy sarmoya ishtirokidagi korxonalar uchun
25- martdan) kechiktirmay elektron ko‘rinishda taqdim etish belgilangan.

Shu munosabat bilan, 1-kb yillik hisobotini o‘z vaqtida taqdim etishingizni so‘raymiz.

O‘z navbatida hisobot taqdim etish tartibini buzish ma’muriy chora ko’rilishiga sabab bo‘lishini eslatib o‘tamiz.

https://t.me/konimex_tumani_axborot_xizmati

Конимех тумани ҳокими М.Эгамқулов туманидаги 1-сектор худудига қарашли “Наврўз” маҳалла фуқаролар йиғинига тайинланган ҳоким ёрдамчиси билан уйма уй юриб, фуқароларнинг муаммоларини ўрганмоқда.

-Фуқаролар билан яқиндан танишиб, суҳбатлашарканмиз уларнинг муаммолари бўйича ҳуқуқий маслаҳат ва амалий кўмак беришга ҳаракат қиляпмиз, -дейди ҳоким ёрдамчиси Жамшид Джумабаев.

– Ўрганишларимиз натижасида 3 нафар фуқарога ҳуқуқий маслаҳат берган бўлсак, Азамат Пўлатов хонадонида ободонлаштириш ишлари олиб борилиб, 20 та товуқ ва уларни сақлаш ҳамда кўпайтириш учун товуқхона, 10 дона ўрдак, 4 қути асалари уяси берилган бўлса,

5 нафар фуқаронинг тадбиркорлик билан шуғулланишига амалий ёрдам кўрсатдик. Уйма уй юриб, фуқароларнинг муаммо ва таклифларини ўрганишда давом этяпмиз.

“Наврўз” маҳалла фуқаролар йиғинида яшовчи барча аҳолининг оилавий шароити ўрганилиб, зарур тафсиялар берилди.

Туманда бундай хайрли ишлар давом этмоқда.

 

Конимех тумани ҳокимлиги Ахборот хизмати.

Maʼlumki, mamlakatimizda 2023-yilda aholini roʻyxatga olish tadbiri oʻtkaziladi. Vazirlar Mahkamasining 2020-yil 11-noyabrdagi qaroriga asosan, mazkur tadbirga tayyorgarlik koʻrish sifatini taʼminlash, uning tashkiliy va uslubiy jihatlari, dasturiy-texnik taʼminoti va maʼlumotlarni qayta ishlash texnologik jarayonlari hozirligini aniqlash maqsadida, 2021-yil 1-25-noyabr kunlari respublikamizning 4  ta hududida sinov tariqasida aholi roʻyxatga olindi.

Sinov natijalaridan kelib chiqib, 2023-yilda aholini roʻyxatga olish dasturi, roʻyxatga olish savolnomalari, metodik qoʻllanmalar va normativ hujjatlarga tegishli oʻzgartirishlar kiritiladi hamda maʼlumotlarni qayta ishlash boʻyicha axborot tizimi takomillashtiriladi. Sinov tariqasida aholini roʻyxatga olish jarayonlarida ishtirok etish uchun 2021-yilning 12-20-noyabr kunlari xalqaro kuzatuv missiyasi mamlakatimizga tashrif buyurdi. 11 kishidan iborat ushbu missiya vakillari respublikamizning 4 ta hududida sinov tariqasida aholini roʻyxatga olishga koʻrilgan tayyorgarlik va uni oʻtkazish ishlari bilan tanishdi. Ular bu jarayonni ijobiy baholab, uni yanada sifatli va zamonaviy usullardan foydalangan holda oʻtkazish yuzasidan taklif va tavsiyalar berdi. Jumladan, savolnomalarni milliy mentalitetga moslashtirishni yanada takomillashtirish, planshetlardan keng foydalanish, internet tarmogʻi orqali roʻyxatga olish tizimini soddalashtirish kabi yoʻnalishlarga alohida eʼtibor qaratildi. Masalan, planshet usulida roʻyxatga olish jarayoni qogʻoz usuliga qaraganda qulayligi, tezkorligi va samarali ekani kuzatildi. Agar qogʻoz uslubida ishlagan bir xodim oʻrtacha 350 tadan 400 tagacha shaxsni roʻyxatga olgan boʻlsa, planshetda oʻrtacha 500 tadan 750 tagacha toʻgʻri keldi.

Qayd etish joizki, sinov tariqasida aholini roʻyxatga olishga tayyorgarlik koʻrish va uni oʻtkazish jarayonlari muayyan muammolar mavjudligini koʻrsatdi. Ommaviy axborot vositalari, rasmiy veb-saytlar, ijtimoiy tarmoqlarda hamda mahallalarda targʻibot-tashviqot ishlari tashkil etilgan boʻlsa-da, aholining roʻyxatga olish tadbiridan toʻliq xabardor emasligi, ayniqsa, xonadonlarda yashovchi shaxslar toʻgʻrisidagi maʼlumotlar ayrim mahalla idoralaridagi mavjud axborotga mos kelmasligi ham kuzatildi.

Aholini roʻyxatga olish natijalaridan hududlarni ijtimoiy-iqtisodiy rivojlantirish, aholi bandligi, taʼlim, sogʻliqni saqlash, ayollar va bolalar salomatligini yaxshilash va oilalarga yordam koʻrsatish, uy-joy bilan taʼminlash boʻyicha dasturlarni manzilli ishlab chiqishda axborot manbai sifatida foydalaniladi. Shuningdek, bu natijalar milliy barqaror rivojlanish maqsadlari indikatorlarini shakllantirish, xalqaro reytinglar va indekslarda, jumladan, Statistika salohiyati indeksi, Inson barkamolligi indeksi, Iqtisodiy erkinlik indeksi kabilarda mamlakatimizning oʻrnini yuksaltirishga xizmat qiladi. Shu bilan birga, roʻyxatga olish natijalari xorijiy investorlarni kengroq jalb qilish, investitsion muhitni yanada yaxshilash, turizm salohiyatini oshirish, iqtisodiyot yuksalishi va pirovardida aholimizning farovonligini yanada yaxshilashda qoʻl keladi.

 

Tuman statistika boʻlimi.

Oʻzbekiston Respublikasi hududida yaxlit va xar bir maʼmuriy-hududiy birlik boʻyicha aniq bir vaqtda yashovchi shaxslarning turli tavsiflari toʻgʻrisida xalqaro taqqoslana oladigan ishonchli, xolis va yaxlit maʼlumotlarni yagona statistik uslublar asosida yigʻish aholini roʻyxatga olishning maqsadi hisoblanadi.

Quyidagilar aholini roʻyxatga olishni oʻtkazishning asosiy vazifalari hisoblanadi:

✅ aholi tarkibidagi global oʻzgarishlarni baholash, demografik siyosatni, aholi sogʻliqini mustahkamlash, ayollar va bolalar ahvolini yaxshilash va oilalarga yordam koʻrsatish chora-tadbirlarini ishlab chiqish uchun axborotlar bazasini kengaytirish;
✅ aholi punktlari va shaharlar infratuzilmasini rivojlantirish, mehnat resurslaridan foydalanish va ularni joylashtirish boʻyicha qisqa, oʻrta va uzoq muddatli prognozlar, dasturlar tayyorlash va indikativ rejalashtirish;

✅ milliy barqaror rivojlanish maqsadlarini shakllantirish va uning amalga oshirilishi ustidan monitoring oʻtkazish;

✅ aholini roʻyxatga olish davrlari oraligʻida aholi soni va tarkibining joriy hisobini yuritish, aholi sonining hisobi va prognozlarini amalga oshirish uchun statistik bazani yaratish;

✅ ijtimoiy-iqtisodiy muammolar boʻyicha ilmiy tadqiqotlarni amalga oshirish.

Soʻrovnomalar asosiy demografik koʻrsatkichlar, aholining mexanik harakati, migratsiyasi, milliy xususiyatlari, fuqaroligi, taʼlim darajasi, uy xoʻjaligi aʼzolarining iqtisodiy holati, bolalar soniga oid savollardan iborat boʼladi. Yashab turgan xonadonida roʻyxatdan oʻtishni istamagan respondentlar uchun roʻyxatga olish soʻrovnomalarini toʻldirish ularning oʻzlari yashab turgan mahallalarda tashkil etiladigan instruktorlik uchastkalarida amalga oshiriladi. Respondentlar tomonidan taqdim etilgan shaxsga doir maʻlumotlarning maxfiyligi va ularning mazmuni oshkor etilmasligi roʻyxatga oluvchi tomonidan kafolatlanadi.

Ikkinchi usulda respondentlarga qulaylik yaratish maqsadida internet jahon axborot tarmogʻi orqali roʻyxatdan oʻtish imkoniyati yaratiladi. Bunda soʻrovnomalar aholining oʻzi tomonidan maxsus dastur orqali toʻldirilib, belgilangan elektron manzilga joʻnatiladi.

Аholini roʻyxatga olishning birlamchi maʼlumotlari hududiy statistika boshqarmalari huzurida tashkil etiladigan markazlarda maxsus dasturiy taʼminot asosida 2024- yil 1- yanvardan 31- dekabrga qadar operatorlar tomonidan elektron bazaga kiritiladi. Roʻyxatga oluvchi xodimlar tomonidan tayyorlangan yigʻma roʻyxatlar natijalari asosida shahar va qishloqlar, shu jumladan, erkaklar va ayollar boʻyicha aholi soni toʻgʻrisidagi dastlabki maʼlumotlar esa 2024- yil 1- martga qadar tayyorlanadi. Аholini roʻyxatga olishning elektron maʼlumotlar bazasi 2025- yil 1- dekabrgacha tahlil etiladi va yakuniy maʼlumotlar respublika hamda hududlar boʻyicha shakllantirilib, rasman eʼlon qilinadi.

Mazkur vazifalar tizimli tarzda amalga oshirilgani holda, roʻyxatga olish orqali respublika aholisi va uning farovonligi toʻgʻrisida ishonchli maʼlumotlar toʻplanadi. Ular aholi soni, tarkibi va taqsimlanishi boʻyicha toʻliq bazani shakllantirish bilan birga, Milliy rivojlanish strategiyalarini ishlab chiqish, ularda foydalaniladigan demografik oʻzgarishlar tendentsiyalari, mehnat resurslari joylashuvi hamda ilmiy tadqiqotlar olib borishda qoʻl keladi.

 

 

-Сессия аввалида Конимех тумани ҳокими М.Эгамқуловнинг Халқ депутатлари Конимех тумани кенгашига, Ҳудудни ижтимоий-иқтисодий ривожлантириш борасида амалга оширилган ишлар ва эришилган натижалар якуни ҳамда келгуси йил учун устувор вазифалар ва режалар тўғрисида ҳисоботи (мурожаати) тингланди.

-Шундан сўнг депутатларга Давлат солиқ инспексияси бошлиғи Р.Турсуновнинг Конимех тумани 2021-йил бюджети ҳамда маҳаллий бюджети даромадлар режасининг ижроси тахлили ҳамда 2022-йил учун юридик ва жисмоний шахсларнинг МФЙ кесимида уларнинг иқтисодий ривожланишига қараб камайтирувчи ва оширувчи коэффицентларини қўллаган ҳолда ер солиғи ставкаларини белгилаш тўғрисидаги ҳисоботи тақдим этилди.

-Давлат органлари ва ташкилотларининг норма ижодкорлиги ҳақида ҳуқуқни қўллаш амалиёти ҳолати бўйича туман Адлия бўлим бошлиғи Н.Исмоиловнинг ахбороти тингланди.

-Ҳудудда атроф муҳитни муҳофаза қилишнинг ҳолати тўғрисида туман Экология ва атроф муҳитни муҳофаза қилиш бўлим бошлиғи Н.Буриевнинг ҳисоботи эшитилди.

-Ўзбекистон Республикаси Ёшлар ишлари агентлиги Конимех туман бўлими бошлиғи Э.Туремуратовнинг Ёшлар муаммоларининг ҳал этилишига кўмаклашиш, ёш авлоднинг истеъдоди ва қобилиятларини ривожлантириш қўшимча шароитлар яратиш борасида амалга оширилган ишлар бўйича амалга оширилган ишлар тўғрисидаги масалаларни муҳокама қилдилар.

– Сув ресурсларини бошқариш, сув хўжалиги объектларининг техник ҳолатини яхшилаш, шунингдек туманларда сув тежовчи суғориш технологияларини жорий этиш ҳолати тўғрисида туман Сув хўжалиги бўлим бошлиғи Т.Алдекеевнинг ҳисоботи тепутатлар томонидан тингланди.

7. Сессия сўнгида бошқа масалалар ҳам кўриб чиқилди.

Муҳокама қилинган масалалар юзасидан тегишли қарорлар қабул қилинди.

Конимех тумани ҳокимлиги Матбуот хизмати.

 

Бугун 7 декабрь куни Конимех туманида Ўзбекистон Республикаси Конституцияси қабул қилинганининг 29 йиллиги муносабати билан туман ҳокимлиги томонидан байрам тадбири ташкил этилди.

Конимех туман ҳокимлиги, туман Халқ қабулхонаси, туман Маънавият ва маърифат бўлинмаси, туман прокатураси, туман ИИБ, туман ХТБ бўлими, фаол жамоатчилик вакиллари ҳамда ОАВ вакиллари иштирок этдилар.

Тадбирда туман ҳокими М.Эгамқулов маъруза қилди. Маърузада ўтган бир йил давомида туманни ижтимоий-иқтисодий ривожлантириш бўйича амалга оширилган ишлар ва келгусидаги режалар, Асосий Қонунимизда фуқаролар ҳуқуқлари ва қонуний манфаатларининг ифода этилганлиги тўғрисида тўхталди.

Давлатимиз раҳбарининг доно ички ва ташқи сиёсати туфайли ҳаётимиз бутунлай ўзгача маъно ва мазмун касб этмоқда. Ўзбекистоннинг яқин ва узоқ мамлакатлар, хусусан Марказий Осиё давлатлари билан янгиланган муносабатларини халқимиз чин дилдан қўллаб – қувватламоқда. Яқин қўшничилик муносабатлари халқларимиз ўртасидаги алоқаларни янги даражага кўтарди.

Таъкидланганидек, Конституциямизнинг бу йилги байрами Ўзбекистон Республикаси Президенти Шавкат Миромонович Мирзиёев ташаббуси ва раҳнамолигида мамлакатимизда кенг кўламдаги сиёсий, иқтисодий, ижтимоий ва маданий – маърифий ислоҳотлар шиддат билан амалга оширилаётган бир даврда нишонланмоқда. Бу янгиланишлар халқимизнинг орзу ва армонларини рўёбга чиқармоқда.

Буларнинг ҳаммаси Ўзбекистон Республикаси фуқароларининг Асосий Қонинимиз – Ўзбекистон Республикаси Конституциясида кафолатланган эркинлик ва ҳуқуқларидан тўла фойдаланаётганлигининг натижасидир.

Конимех туман ҳокимлиги матбуот хизмати.

Ўзбекистон Республикасида 2017 йил 3 январда     “Коррупцияга қарши курашиш тўғрисида”ги Қонун кучга киритилган. Мазкур Қонун 6-боб, 34-моддадан иборат.

Конимех туман Маҳалла ва оилани қўллаб-қувватлаш бўлими биносида   9 декабрь “Халқаро коррупцияга қарши кураш куни” муносабати билан “Коррупция – ривожланишимизга тўсиқ” мавзусида давра суҳбати ташкил этилди.

Тадбирда туман ҳокимлиги, Прокуратура, Ички ишлар бўлими, Суд-ҳуқуқни муҳофаза қилувчи органлари, маҳалла раислари ва ходимлари иштирок этишди.

Тадбирни ташкил этишда Суд, Прокуратура, барча соха  органларида коррупцияга қарши курашиш борасида амалиётга татбиқ этилаётган ҳуқуқий ҳужжатларнинг ижросини таъминлаш, хусусан, давлат ташкилотлари ҳамда тадбиркорлик субъектлари ўртасида коррупция ҳаракатларини олдини олиш ва уларга чек қўйишга оид масалалар юзасидан амалга оширилаётган чора-тадбирларга асосий эътибор қаратилди.

Тадбир давомида мамлакатимизда аҳоли ҳамда давлат ташкилоти ходимларига ҳар томонлама қулай шароит яратиб берилаётгани, аммо баъзи ҳолларда айрим фуқаролар ўз ҳақ-ҳуқуқларини яхши билмасликлари туфайли таъмагирлик, порахўрлик, коррупция ҳолатлари юзага келаётгани, бунинг учун эса, давлат ва нодавлат ташкилот ходимлари ўртасида ўзаро ҳамкорликни янада мустаҳкамлаш зарур эканлигига алоҳида эътибор қаратилди.

Конимех туман ҳокимлиги матбуот хизмати.

9 mln so‘m pora bilan qo‘lga tushgan Konimex tumani Obodonlashtirish boshqarmasining sobiq boshlig‘iga nisbatan sud hukmi o‘qildi. Bu haqda jinoyat ishlari bo‘yicha Konimex tuman sudi raisi Maqsud Rayimov xabar berdi.

Ma’lum qilinishicha, Konimex tumani Obodonlashtirish boshqarmasi boshlig‘i lavozimida ishlagan 40 yoshli J.K. boshqarma tasarrufidagi “Damas” mashinasini boshqarmaning Zarafobod bo‘limi ixtiyoriga o‘tkazib berish uchun fuqaro F.M.dan 9 mln so‘m talab qilgan. U o‘z xizmat xonasida kelishilgan pulni olgan. Shuningdek, J.K. o‘zining jinoiy harakatlarini davom ettirib, tuman obodonlashtirish boshqarmasiga ajratilgan “Isuzu” mashinasini boshqarmaning Zafarobod bo‘limi ixtiyoriga o‘tkazib berish evaziga F.Z.dan 15 mln so‘m talab qilgan hamda kelishilgan pullarni fuqaro M.D. orqali olgan.

Ammo rahbar “va’dasi”ni bajarmagan. “Damas” va “Isuzu” mashinalarini boshqarmaning Zafarobod bo‘limiga biriktirib berish paysalga solib kelingan. Bundan norozi bo‘lgan F.M. bergan pullarini qaytarishni talab qilgan. J.K. pora tariqasida olgan pullarning bir qismi sifatida 4 mln so‘m mablag‘ni fuqaro A.M. orqali qaytargan vaqtda huquqni muhofaza qiluvchi organ xodimlari tomonidan o‘tkazilgan tezkor tadbirda qo‘lga olingan.

Bundan tashqari, J.K. jinoiy sheriklari F.M. va M.D. bilan birgalikda obodonlashtirish boshqarmasi balansida bo‘lgan temir quvurlarni noqonuniy tarzda sotib yuborgan va 20,7 mln so‘mlik mol-mulkni o‘zlashtirish va rastrata qilish yo‘li bilan talon-toroj qilgan.

Sud hukmiga ko‘ra, J.K.ga 3 yil muddatga mansabdorlik va moddiy javobgarlik lavozimlarida ishlash huquqidan hamda 5 yil 1 oy muddatga ozodlikdan mahrum etish jazosi tayinlangan.