Monthly Archives: Dekabr 2022

Ўзбекистон Республикаси Конституцияси қабул қилинганининг 30 йиллиги муносабати билан, шунингдек, мамлакатимиз мустақиллигини мустаҳкамлаш, унинг иқтисодий, сиёсий, ижтимоий, илмий, маънавий салоҳиятини юксалтириш,

мудофаа қудратини оширишга муносиб ҳисса қўшиб келаётган юртдошларимизни тақдирлаш мақсадида Ўзбекистон Республикаси Президентининг жорий йил 8 ноябрдаги тегишли Фармони билан “Ўзбекистон Конституциясининг 30 йиллиги” эсдалик нишони таъсис этилди.

Бугун, сана муносабати билан Конимех тумани ҳокимлигида ушбу нишон билан тақдирланган конимехликларнинг 40 нафарига нишонлар топшириш маросими бўлиб ўтди.

Тадбир аввалида туман ҳокими Руслан Рўзиев сўзга чиқиб, барчани яқинлашиб келаётган байрам билан табриклаб, мамлакатимиз Конституциясининг ҳаётимизда тутган ўрнига тўхталиб ўтди.

Шундан сўнг нишонлар бирин-кетин ўз эгаларига топширилди.

Тақдирлашдан сўнг сўзга чиққанлар ҳам барчани байрам билан табриклаб, ўзларининг фикрларини билдиришди.

Конимех тумани ҳокимлиги матбуот хизмати

Конимех туманида тадбиркорликни ривожлантириш, қўшимча иш ўринларини яратиш ва тўғридан-тўғри хорижий инвестициялар жалб этиш бўйича кенг кўламли ишлар амалга оширилмоқда.

Бу борада ҳамкорлик қилиш, қўшма корхоналар ташкил этиш бўйича кўплаб давлатлардан инвесторлар жалб этилмоқда.

Буғдойдан бўшаган ерларга писта экиш орқали писта ёғи ишлаб чиқаришни йўлга қўйиш мақсадида ШҲТнинг вакиллари хитойлик Донг Фуҳаи ва Озарбайжонлик Улви Алиевларни туман ҳокими Р.Рўзиев қабул қилди.

Мазкур компания томонидан писта ёғи ишлаб чиқариш заводини қуриш орқали 2,0 млн. доллар миқдорида тўғридан-тўғри хорижий инвестициялар ўзлаштирилиши ҳамда 100 та янги иш ўринлари яратиш бўйича музокаралар олиб борилди.

Туман ҳокими Руслан Рўзиев хитойлик инвесторларнинг фаолият олиб боришида кўмак кўрсатиб, қўллаб-қувватлашини таъкидлади.

Суҳбат қизғин савол жавобларга бой бўлди. Учрашув сўнгида инвесторлар туман ҳокимига илиқ қабул учун миннатдорчилик изҳор этиб, келажакда алоқаларни янада мустаҳкамлаш, туман иқтисодиётини ривожлантиришда зарур шароитлар яратиб беришга тайёр эканлигини билдирди.

Конимех тумани ҳокимлиги матбуот хизмати.