Monthly Archives: Avgust 2021

Ўзбекистон Республикасининг “Автомобиль транспортида юк ташувчиларни қўллаб-қувватлашга доир қўшимча чора-тадбирлар тўғрисида”ги қарори (ПҚ–5225-сон, 19.08.2021 й.) қабул қилинди.

Қарорга кўра, юк ташиш учун мўлжалланган, ишлаб чиқарилганига 7 йилдан ошмаган қуйидаги транспортларни 2025 йил 1 январгача Ўзбекистонга импорт қилишда божхона божи, утилизация йиғими ва автотранспортларни сотиб олганлик учун автотранспорт йиғимларининг ноль ставкалари қўлланилади:

“Евро-5” ва ундан юқори экологик тоифа талабларига мос келадиган автотранспортлар (ТИФ ТН кодлари 8701 20, 8704 22 (самосваллардан ташқари);

тиркамалар ва ярим тиркамалар (ТИФ ТН кодлари 8716 31, 8716 39).

Европа Иттифоқи мамлакатларида ишлаб чиқарилган, ишлаб чиқарилганига 7 йилдан ошмаган қуйидаги транспортлар 2025 йил 1 январгача Ўзбекистонга импорт қилишда мажбурий сертификатлашдан озод қилинади:

“Евро-5” ва ундан юқори экологик тоифа талабларига мос келадиган юк ва махсус автотранспортлар;

автомобилда юк ташиш учун фойдаланиладиган тиркамалар ва ярим тиркамалар.

А.Аҳмадов

Адлия бўлими

“Ер участкаларини ажратиш ва улардан фойдаланиш, шунингдек ерларни ҳисобга олиш ва давлат ер кадастрини юритиш тизими такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги Қонун (ЎРҚ–708-сон, 16.08.2021 й.) Президент томонидан имзоланди.
“Маҳаллий давлат ҳокимияти тўғрисида”ги Қонунга киритилган ўзгартишга кўра, халқ депутатлари Кенгаши ҳужжатлари устидан судга шикоят қилиш ва прокурор протест келтириши мумкинлиги белгиланди.
Суғориладиган ерни қурилиш қилиб ўзбошимчалик билан эгаллаб олганлик учун тўғридан-тўғри жиноий жавобгарлик (2 йилдан 3 йилгача озодликдан маҳрум қилиш) ўрнатилди.
Суғориладиган ерни сотиш ёки уни қонунга хилоф тарзда ўзгага бериш учун жавобгарлик белгиланди. Унга кўра, ушбу ҳаракатлар оғирлаштирувчи ҳолатларда содир этилса, 8-10 йилгача озодликдан маҳрум қилиш жазо чораси қўлланилади.
Бундан ташқари, қонун билан ерга оид қонунчиликни бузганлик учун маъмурий ва жиноий жавобгарликлар кучайтирилди.
Ер кодексида вилоят ҳокимларининг қишлоқ хўжалик эҳтиёжлари ҳамда бошқа давлат ва жамоат эҳтиёжлари учун эгалик қилишга, фойдаланишга ва ижарага ер бериш ваколати бекор қилиниб, ҳокимлар фақат ерни ижарага бериш бўйича танлов якунларини тасдиқлаши мумкин.
Вилоят ҳокимларининг ерга оид қарор лойиҳалари ҳудудий адлия органлари томонидан ҳуқуқий экспертизадан ўтказилиши шарт.
Туман ҳокимларининг ерни ижарага бериш ҳуқуқи чекланиб, қуйидаги ерларни ижарага бериш шартномаси туман ҳокимлиги билан тузилади:
-Ҳукумат томонидан илмий-тадқиқот ва таълим муассасаларига, агросаноат кластерларига, инвесторларга берилган ерлар;
-вилоят ҳокимининг электрон танлов натижаларини тасдиқлашга оид қарори асосида ажратилган ерлар;
-электрон аукцион асосида берилган ерлар;
-хорижий инвестиция иштирокидаги корхоналар, халқаро бирлашмалар ва ташкилотлар, чет эл жисмоний ва юридик шахсларига Ҳукумат томонидан ажратилган ерлар.

 

Конимех туман адлия бўлими.

 

Конимех туманида Ёшлар дафтаридан чиқарилган ёшларни мониторинг қилиш ишчи гуруҳи тузилиб, маҳаллабай ўрганилмоқда. Конимех туманида жами 0-30 ёшдаги 18 минг 920 нафар, 18-30 ёшдаги 6 минг 672 нафар ёшлар мавжуд.

Ушбу ёшларнинг 2 238 нафари (48 фоиз) давлат, нодавлат, хусусий сектор ва таълим соҳасида расман банд ҳисобланади.

Бугунги кунга қадар 15 та маҳаллаларда ўрганиш лозим бўлган 4 434 нафар ёшларнинг барчаси (100 фоиз) билан бирма-бир мулоқот қилиниб, шундан, “Ёшлар дафтари”га 2021 йил 23 июль ҳолатига 807 нафар (18 фоиз) ёшлар киритилди. Кўрилган амалий чора-тадбирлар натижасида 2021 йил

15 август ҳолатига 801 нафар (99,2 фоиз) ёшлар дафтардан чиқарилди. Ҳозирда туман бўйича 6 нафар (0,8 фоиз) ёшлар “Ёшлар дафтари”да қолмоқда. “Ёшлар дафтари” дан чиқарилган ёшларнинг 150 нафари

(20 фоиз) доимий иш ўринларига жойлаштирилди;

442 нафарига (55 фоиз) 9 млрд. сўм (ўртача ҳар бир ёшга

20 млн. 362 минг сўмдан) имтиёзли кредитлар ажратилди;

1 нафар (0,13 фоиз) “Устоз-шогирд” йўналиши бўйича;

144 нафар (16 фоиз) ёшларга асбоб-ускуналар ва меҳнат қуроллари харид қилиш учун 249 млн. 800 минг сўм (ўртача ҳар бир ёшга 1 млн. 700 мингдан);

15 нафар (1,5 фоиз) ёшлар сафарбарлик чақирув резервига юбориш учун 76 млн. 900 минг сўм (ўртача ҳар бир ёшга 5 млн. 200 мингдан);

1 нафар (0,13 фоиз) ёшларга уруғлик ва кўчатлар сотиб олиш учун 1 млн. 960 минг сўм;

3 нафар ёшларнинг тўлов-контракт суммаларини тўлаб бериш учун 7 млн. 764 минг сўм (ўртача ҳар бир ёшга 2 млн. 588 мингдан);

1 нафар ёшларнинг даволаниш харажатларини қоплаб бериш учун 12 млн. сўм.;

2 нафар ёшларнинг турар жой ижарасини қоплаб бериш учун 435 минг. сўм;

42 нафар ёшларга ҳайдовчилик гувоҳномаси учун 50 млн. 400 минг сўм ажратиб берилди (ўртача ҳар бир ёшга 1 млн. 200 мингдан);

Бундан ташқари 200 нафар ёшларнинг истеъдодини қўллаб-қувватлаш учун 64 млн. 480 минг сўм (ўртача ҳар бир ёшга 273 мингдан).

✅ Ўз навбатида, Ўзбекистон Республикасининг “Давлат статистика тўғрисида”ги Қонуни 2002 йилда қабул қилинган бўлиб, таҳлиллар мазкур қонуннинг халқаро андозаларга, бугунги кун талаблари ва чақириқларига тўлиқ мос келмаслигини кўрсатди.

✅ Янги қонунни ишлаб чиқишда БМТнинг Европа иқтисодий комиссияси томонидан Шарқий Европа, Кавказ ва Марказий Осиё давлатлари учун махсус ишлаб чиқилган Расмий статистика тўғрисидаги модель қонунига таянилди.

✅ Натижада, бугунги кун талабларига ва халқаро андозаларга тўла мос келувчи янги Ўзбекистон Республикасининг “Расмий статистика тўғрисида”ги Қонуни ишлаб чиқилиб, давлатимиз раҳбари томонидан имзоланди.

✅ Янги Қонун 7 та боб ва 44 та моддадан иборат бўлиб, аввалги қонундан тубдан фарқи қилади.

✅ Миллий статистика тизими фаолиятини самарали мувофиқлаштириб бориш мақсадида Давлат статистика қўмитаси ваколатли орган сифатида белгиланмоқда.

✅ Қонунга кўра, расмий статистика давлат статистика органлари ва расмий статистиканинг бошқа тайёрловчилари томонидан тайёрланадиган ҳамда тарқатиладиган статистика маълумотларидан иборат.

✅ Бир сўз билан айтганда, Ўзбекистон Республикасининг “Расмий статистика тўғрисида”ги қонуни миллий статистика тизими фаолиятини тартибга солиш баробарида, расмий статистиканинг очиқлиги ва шаффофлигини таъминлаш борасидаги ислоҳотларнинг натижадорлигига эришиш, фойдаланувчиларнинг ишончли, сифатли ва долзарб расмий статистик маълумотларга бўлган эҳтиёжларини қондириш ва шак-шубҳасиз мамлакатнинг халқаро миқёсдаги нуфузини янада оширишга хизмат қилади.