Конимех туманида “Кексалар ҳафталиги” доирасида тўртта сектор раҳбарлари ташаббуси билан Нуронийлар ва ёшлар учрашуви бўлиб ўтди.
Тадбирда ёши улуғ отахон ва онахонлар ўзларининг ҳаёт йўллари, меҳнат фаолиятлари давомидаги фаол тажрибалари ҳамда ибратли ҳаёт ҳикоялари хусусида иштирокчиларга сўзлаб берди.
Тадбирнинг бадиий қисмида ҳар бир сектор раҳбари ўз қўли билан тайёрлаган миллий таомимиз бўлган ош чимпионатида ғолиблик учун баҳс олиб бордилар.
Бир пиёла чой устида дилдан кечган мулоқот барчада илиқ таассурот уйғотиб, нуронийлар хулосасига кўра дўстлик туйғуси ғалаба қозонди.
Санъаткорлар ижросидаги она Ватан, тинчлик ва дўстликни тараннум этувчи дилрабо куй-қўшиқлар давра файзига файз киритди.
Учрашувда фаол иштирок этган тўртта сектор раҳбарлари ва бир гуруҳ нуронийларга вилоят ҳокимлигининг эсдалик совғалари тақдим этилди.
Шунингдек, пойтахтдан келган меҳмонлар эса туман ҳокимлиги томонидан муносиб тақдирланди.
Аҳолини рўйхатга олишни ўтказиш санасида чақирув асосида муддатли ҳарбий хизматни ўтаётган ҳарбий хизматчилар бўлган, шунингдек контракт бўйича ҳарбий хизматга жалб этилган ҳарбий хизматчилар бўлган ва уларнинг ёпиқ ҳудудларда яшаётган оила аъзоси бўлган респондентлар ҳақидаги шахсга доир маълумотларни йиғиш ҳарбий қисм командири ёки у ваколат берган шахс томонидан амалга оширилади.
Аҳолини рўйхатга олишни ўтказиш санасида:
Болалар интернатларида, тарбия муассасаларида,
«Болалар шаҳарчалари»да;
ижтимоий муассасаларда;
диний муассасаларда;
шифохоналарда ва бошқа соғлиқни сақлаш ташкилотларида;
зўравонликдан жабрланган шахсларни реабилитация қилиш ва мослаштириш ҳамда ўз жонига қасд қилишнинг олдини олиш марказларида;
қамоқда сақлаш жойларида, тергов ҳибсхонасида, ахлоқ тузатиш муассасаларида ва махсус муассасаларда яшаётган (бўлган) респондентлар тўғрисидаги шахсга доир маълумотларни йиғиш ушбу қисмда назарда тутилган муассасалар ҳамда ташкилотлар маъмуриятлари томонидан амалга оширилади.
Ўзбекистон Республикасининг дипломатик ваколатхоналари ва консуллик муассасалари, шунингдек Ўзбекистон Республикасининг халқаро ташкилотлар ҳузуридаги ваколатхоналари ходимлари бўлган Ўзбекистон Республикаси фуқаролари ҳамда уларнинг ўзи билан бирга бўлган оила аъзолари, шу жумладан Ўзбекистон Республикаси Ташқи ишлар вазирлиги томонидан халқаро ҳукуматлараро ташкилотлардаги квоталанган лавозимларга юборилган фуқаролар Ўзбекистон Республикаси Ташқи ишлар вазирлиги томонидан рўйхатга олиниши лозим. Ўзбекистон Республикаси Ташқи ишлар вазирлигида аккредитация қилинган чет давлатлар доимий ваколатхоналарининг, халқаро, ҳукуматлараро ташкилотлар ва чет давлатлар ҳукумат ташкилотлари ваколатхоналарининг ходимлари бўлган чет эл фуқаролари ҳамда уларнинг оила аъзолари, шунингдек Ўзбекистон Республикасининг халқаро шартномаларига мувофиқ дипломатик имтиёзларга ва иммунитетга эга бўлган бошқа шахслар рўйхатга олинмайди.
Qaror ijrosi – amalda: Konimexda “aqlli” hisoblagichlar oʼrnatib boʼlindi
Oʼzbekiston Respublikasi Prezidentining 2020 yil 24 sentyabrda qabul qilingan “Tabiiy gaz nazorati va hisobining avtomatlashtirilgan tizimini joriy etish” loyihasini amalga oshirishga doir qoʼshimcha chora-tadbirlar toʼgʼrisida”gi qarorida soha xodimlari oldiga isteʼmolchilarga “aqlli” hisoblagichlarni oʼrnatish bilan bogʼliq qator vazifalar belgilab berilgan edi.
Ushbu qaror ijrosini taʼminlash ishlariga “Hududgaz Navoiy” gaz taʼminoti filiali va uning shahar hamda tuman boʼlimlari tomonidan ham masʼuliyat bilan yondoshildi.
Xususan, Konimex tumanida Prezident qarorida koʼrsatilgan 3213 ta hisoblagichlar isteʼmolchilar xonadonlariga belgilangan muddatda, yaʼni joriy yilning 1 oktabrigacha oʼrnatib boʼlindi. Ushbu isteʼmolchilarning sarflagan tabiiy gaz uchun hisob-kitobi bugun toʼliq avtomatlashtirilgan tizim orqali nazorat qilinmoqda.
– “Tumanda tabiiy gaz isteʼmolchilari soni ortgan. Shunday ekan, roʼyxatga yangi qoʼshilgan isteʼmolchilar xonadonlariga ham belgilangan tartibda zamonaviy hisoblagich oʼrnatiladi. Har bir hududda tabiiy gaz sarfi toʼliq yangi tizim orqali nazorat qilinadi. Bu tizim tafovut, yoʼqotishlarning oldini olib, isteʼmolchilarning xavfsizligini ham himoyalaydi”, – deydi tuman gaz taʼminoti boʼlimi bosh muhandisi Muslim Botirov.
Masʼul xodimlar tomonidan hisoblagichlardan foydalanish talablari, shuningdek, tabiiy gaz uchun toʼlovni uydan chiqmagan holda toʼlash haqida ham doimiy tushuntirish ishlari olib boriladi.
“Hududgaz Navoiy” gaz taʼminoti filiali matbuot xizmati
“Хизматлар соҳасини қўллаб-қувватлашга оид қўшимча чора-тадбирлар тўғрисида”ги Президент фармони (ПФ–6318-сон, 30.09.2021 й.) қабул қилинди
🔰 Фармонга кўра, Ўзбекистонга олиб киришда қуйидаги товарлар ва транспортлар учун божхона божи бўйича имтиёзларнинг амал қилиш муддати 2024 йил 1 январгача узайтирилади:
➖ белгиланган рўйхат бўйича юридик шахслар томонидан, шу жумладан лизинг шартномаси асосида олиб кириладиган янги тиббиёт асбоб-ускуналари, бутловчи буюмлар ва уларнинг эҳтиёт қисмлари ҳамда сарфлаш материаллари;
➖ нодавлат тиббиёт ташкилотлари учун янги тез тиббий ёрдам автомобиллари;
➖ белгиланган рўйхатларга кўра тематик хиёбонлар, меҳмонхона ва бошқа жойлаштириш воситаларини қуриш, қайта таъмирлаш ва жиҳозлаш учун асбоб-ускуналар, техника, хомашё, бутловчи буюмлар ва эҳтиёт қисмлар, қурилиш ва бошқа материаллар;
➖ ишлаб чиқарилганига 5 йилдан ортиқ бўлмаган, йўловчиларни ташишда фойдаланиладиган 8 ва ундан ортиқ ўриндиқларга эга транспортлар;
➖ Ўзбекистонда ишлаб чиқарилмайдиган, транспорт-логистика хизматлари кўрсатишга мўлжалланган, белгиланган рўйхатлардаги омборхона ускуналари, юк ортиш-тушириш техникаси, агрегатлар, эҳтиёт қисмлар;
➖ дор (осма) йўллари, тоғ-чанғи кўтаргичлар, фуникулёрлар ва бошқа ўхшаш объектлар, “банжи-жампинг” ва “зиплайн” аттракционлари, бошқариладиган (дирижабль, ҳаво шари) ва бошқарилмайдиган аэростатлар, гондолалар, “рафтинг” ва “флайбординг” учун ускуналар, механизмлар ва эҳтиёт қисмлар.
➡️ Ўзбекистонга олиб киришда қуйидаги товарлар 2021 йил 1 октябрдан 2024 йил 1 январгача божхона божидан озод қилинади:
➖ белгиланган рўйхат бўйича таълим ташкилотлари учун ўқув лаборатория ва махсус асбоб-ускуналар ва жиҳозлар;
➖ тақиқланмаган ўйин автоматлари, видеоўйинлар учун ускуналар ва боулинг учун автоматик ускуналар;
➖ белгиланган рўйхат бўйича юридик шахслар томонидан, шу жумладан лизинг шартномаси асосида олиб келинадиган янги стоматология ва косметология асбоб-ускуналари, бутловчи буюмлар ва уларнинг эҳтиёт қисмлари ҳамда сарфлаш материаллари.
Бир неча йилдирки, юртимизда 1 октябрь — Ўқитувчилар ва мураббийлар куни умумхалқ байрами сифатида кенг нишонлаб келинмоқда. Минг-минглаб мурғак қалбларга эзгулик ёғдусини сочадиган, ўз ўқувчиларига ҳаёт мактабини берадиган мўтабар зот — ўқитувчи ва мураббийларимизга эҳтиром кўрсатилади.
Бугун туман ҳокимлиги томонидан 1 октябрь — Ўқитувчилар ва мураббийлар куни муносабати билан тадбир ташкил этилди. Ушбу тадбирда туман ҳокими М.Эгамқулов, туман сектор раҳбарлари, туман ҳокими ўринбосарлари, туман маънавият ва маърифат бўлими ходимлари, туман ХТБ ва туман МТБ ходимлари, фахрийлар, фаол ўқитувчи ва мураббийлар ҳамда кенг жамоатчилик иштирок этишди.
Тадбирда туман ҳокими 1 октябрь — ўқитувчилар ва мураббийлар куни муносабати билан барча соҳа вакилларини табриклади.
– Ўқитувчи ва мураббийлар – янги Ўзбекистонни барпо этишда катта куч, таянч ва суянчимиздир. Бугун сиз, азизлар билан 1 октябрь – Ўқитувчи ва мураббийлар куни – умумхалқ байрами арафасида учрашиб турганимдан бахтиёрман. Фурсатдан фойдаланиб, фидойи устозларимизни, таълим соҳасида фаолият юритиб келаётган барча ўқитувчи ва мураббийларимизни юртдошларимни ушбу қутлуғ айём билан самимий муборакбод этаман.
Биз ҳар биримиз ҳаётда қандай муваффақият ва натижаларга эришган бўлсак, бу ютуқларда сизларнинг беқиёс ҳиссангиз борлигини доимо миннатдорлик билан эътироф этамиз. Шу боис, мана шундай қувончли кунда бутун туманимиз халқи номидан сизларга юксак ҳурмат-эҳтиромимиз, эзгу тилакларимизни билдириб, чин дилдан таъзим қиламиз.
Ҳақиқатан ҳам, кўз нури ва қалб қўрини, бутун онгли ҳаётини ёш авлодга билим ва тарбия беришга, уларни миллий ва умуминсоний қадриятлар руҳида камол топтиришга бағишлаган, бир сўз билан айтганда, Ватанимизнинг эртанги кунининг пойдеворини яратаётган бу инсонларнинг олижаноб меҳнатига ҳар қанча таҳсин айтсак оз.
Устоз деганда, ҳар қайси инсон кўнглида чуқур ҳурмат – эҳтиром ва чексиз миннатдорлик туйғулари, шу билан бирга, ҳеч қандай бойлик билан ўлчаб ва адо қилиб бўлмайдиган қарздорлик ҳисси пайдо бўлади. Устозларимиз ўгити, кексаларимиз панд-насиҳатларига амал қилиб борсак, асло кам бўлмаймиз. Бу билан устоз ва мураббийларимиз олдидаги илк бурчимизни адо этган бўламиз. Инсон, аввало, унга билим ва маърифат дунёси сари йўл очиб берган, унинг қалбига юксак инсоний фазилатлар ҳиссини сингдириш йўлида заҳмат чеккан устоз ва мураббийларига нисбатан кўнглида ҳамиша миннатдорлик туйғуси билан яшайди, деди туман ҳокими ўз табрик сўзида.
Тадбирда шунингдек, туман сектор раҳбарлари, фахрий ўқитувчилар ҳам сўзга чиқишиб, барчани 1 октябрь – Ўқитувчи ва мураббийлар куни билан табриклашди. Шундан кейин туман маданият бўлими ходимлари томонидан концерт дастури ташкил этилди.
Тадбир сўнггида фаол ўқитувчи ва мураббийлар ташаккурнома ва қимматбаҳо совғалар билан тақдирланишди.
Айни кунларда мамлакатимизда Ўзбекистон Республикаси Президенти сайловига тайёргарлик қизғин кечмоқда. Шу муносабат билан 160 чи Конимех сайлов участкасида ўқув семинари ташкил этилди.
160 чи Конимех сайлов участкасида Ўзбекистон Республикаси Президенти сайловига тайёргарлик кўриш ва уни ўтказиш жараёнида маҳалла тизими ҳодимлари зиммасига тушадиган вазифаларга бағишланган ўқув семинари бўлиб ўтди.
Анжуманда “Маҳалла ва оила” илмий тадқиқот институти масъул ходими, вилоят Маҳалла ва оилани қўллаб-қувватлаш бошқармаси ва бошқа тегишли ташкилотлар, оммавий ахборот воситалири ходимлари иштирок этишди.
семинар давомида маҳалла тизими ходимларини яни сайлов қонунчилигидаги янгиликлар билан таништирилди, Округ ва участка сайлов комиссияларида бошқа тайёргарлик жараёнида маҳалла раиси ва ходимлар,
шунингдек, фуқароларнинг ўзини ўзи, башқариш органларидан кузатувчилар ҳуқуқ ва мажбуриятига оид билим, ва кўникмаларни ривожлантириш тўғрисида тушунчалар берилди.
Жорий йил 14 сентябрь куни ижтимоий тармоқда “4 фарзандим билан таъмирталаб уйда яшаяпмиз” сарлавҳали видеолавҳа эълон қилинди. Мазкур видеолавҳа юзасидан Конимех туман ҳокимлиги Ахборот хизмати қуйидагиларни маълум қилади:
Конимех туман ҳокимлиги, туман Маҳалла ва оилани қўллаб-қувватлаш бўлими ва Шўркўл маҳалла фуқаролар йиғини ходимлари фуқаро Шукурова Насибанинг хонадонида бўлиб, ижтимоий тармоқда эълон қилинган видеолавҳа юзасидан суҳбат олиб боришди.
Шукурова Насиба Рашитовна 23 март 1986 йилда туғилган 4 нафар фарзанднинг онаси. Шукурова Насиба ҳозирги кунда худуддаги 10 сонли ва 30 сонли умумтаълим мактабларида чет тили ўқитувчиси бўлиб ишлаб келаётганлиги, ҳозирда 10 сонли мактабда 16 соатлик, 30 сонли умумтаълим мактабда эса 14 соатлик дарс соати мавжудлиги, ойига 3 000 000 миллион сўм маош олишини маълум қилди.
2021 йил январ ойида “Аёллар дафтари” га киритилган, 7 май куни озиқ-овқат маҳсулотлари берилган ва имтиёзли банк кредети таклиф этилган лекин фуқаро томонидан кредит рад қилинган. 2021 йил май ойидан 4 нафар фарзандлари учун 14 ёшгача нафақа пули мунтазам бериб борилмоқда.
2021 йил турмуш ўртоғи Хожиев Жамшид билан ажрашиш учун ариза берган бўлсада, ҳозирча қонуний ажрашмаган, турмуш ўртоғи 4 нафар фарзанди учун ҳар ойда 750 000 минг сўм алимент пули тўлаб келмоқда.
Масъуллар томонидан уй-жойини таъмирлаш учун ҳомийларни жалб қилган ҳолда ёрдам кўрсатилиши, озиқ-овқат маҳсулотлари етказиб берилиши маълум қилинди ва 2021 йил 15 сентябр куни маҳалла томонидан 50 дона шифр берилди ва ушбу қурилиш маҳсулоти фуқаро томонидан рад этилди.
Жорий йилниг 9 сентяр куни туман Маҳалла ва оилани қўллаб-қувватлаш бўлими бошлиғи С.Рисбеков ва Шўркўл мфй раис Р.Бижанов ва ўринбосари Р.Казаковалар томонидан Шукурова Насиба хонодонига келиб, ўрганилиб холидан хабар олиниб озиқ-овқат маҳсулоти берилган эди.
Бундан кейин ҳам фуқаро Шукурова Насибанинг оилавий шароитини яхшиланишини таъминлаш туман ҳокимлиги, хусусан 3-Сектор раҳбари томонидан доимий назоратга олинганлигини маълум қиламиз.
Европа Иттифоқи мамлакатларида ишлаб чиқарилган, ишлаб чиқарилганига 7 йилдан ошмаган қуйидаги транспортлар 2025 йил 1 январгача Ўзбекистонга импорт қилишда мажбурий сертификатлашдан озод қилинади:
“Евро-5” ва ундан юқори экологик тоифа талабларига мос келадиган юк ва махсус автотранспортлар;
автомобилда юк ташиш учун фойдаланиладиган тиркамалар ва ярим тиркамалар.
“Ер участкаларини ажратиш ва улардан фойдаланиш, шунингдек ерларни ҳисобга олиш ва давлат ер кадастрини юритиш тизими такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги Қонун (ЎРҚ–708-сон, 16.08.2021 й.) Президент томонидан имзоланди.
“Маҳаллий давлат ҳокимияти тўғрисида”ги Қонунга киритилган ўзгартишга кўра, халқ депутатлари Кенгаши ҳужжатлари устидан судга шикоят қилиш ва прокурор протест келтириши мумкинлиги белгиланди.
Суғориладиган ерни қурилиш қилиб ўзбошимчалик билан эгаллаб олганлик учун тўғридан-тўғри жиноий жавобгарлик (2 йилдан 3 йилгача озодликдан маҳрум қилиш) ўрнатилди.
Суғориладиган ерни сотиш ёки уни қонунга хилоф тарзда ўзгага бериш учун жавобгарлик белгиланди. Унга кўра, ушбу ҳаракатлар оғирлаштирувчи ҳолатларда содир этилса, 8-10 йилгача озодликдан маҳрум қилиш жазо чораси қўлланилади.
Бундан ташқари, қонун билан ерга оид қонунчиликни бузганлик учун маъмурий ва жиноий жавобгарликлар кучайтирилди.
Ер кодексида вилоят ҳокимларининг қишлоқ хўжалик эҳтиёжлари ҳамда бошқа давлат ва жамоат эҳтиёжлари учун эгалик қилишга, фойдаланишга ва ижарага ер бериш ваколати бекор қилиниб, ҳокимлар фақат ерни ижарага бериш бўйича танлов якунларини тасдиқлаши мумкин.
Вилоят ҳокимларининг ерга оид қарор лойиҳалари ҳудудий адлия органлари томонидан ҳуқуқий экспертизадан ўтказилиши шарт.
Туман ҳокимларининг ерни ижарага бериш ҳуқуқи чекланиб, қуйидаги ерларни ижарага бериш шартномаси туман ҳокимлиги билан тузилади:
-Ҳукумат томонидан илмий-тадқиқот ва таълим муассасаларига, агросаноат кластерларига, инвесторларга берилган ерлар;
-вилоят ҳокимининг электрон танлов натижаларини тасдиқлашга оид қарори асосида ажратилган ерлар;
-электрон аукцион асосида берилган ерлар;
-хорижий инвестиция иштирокидаги корхоналар, халқаро бирлашмалар ва ташкилотлар, чет эл жисмоний ва юридик шахсларига Ҳукумат томонидан ажратилган ерлар.
Конимех туманида Ёшлар дафтаридан чиқарилган ёшларни мониторинг қилиш ишчи гуруҳи тузилиб, маҳаллабай ўрганилмоқда. Конимех туманида жами 0-30 ёшдаги 18 минг 920 нафар, 18-30 ёшдаги 6 минг 672 нафар ёшлар мавжуд.
Ушбу ёшларнинг 2 238 нафари (48 фоиз) давлат, нодавлат, хусусий сектор ва таълим соҳасида расман банд ҳисобланади.
Бугунги кунга қадар 15 та маҳаллаларда ўрганиш лозим бўлган 4 434 нафар ёшларнинг барчаси (100 фоиз) билан бирма-бир мулоқот қилиниб, шундан, “Ёшлар дафтари”га 2021 йил 23 июль ҳолатига 807 нафар (18 фоиз) ёшлар киритилди. Кўрилган амалий чора-тадбирлар натижасида 2021 йил
15 август ҳолатига 801 нафар (99,2 фоиз) ёшлар дафтардан чиқарилди. Ҳозирда туман бўйича 6 нафар (0,8 фоиз) ёшлар “Ёшлар дафтари”да қолмоқда. “Ёшлар дафтари” дан чиқарилган ёшларнинг 150 нафари
(20 фоиз) доимий иш ўринларига жойлаштирилди;
442 нафарига (55 фоиз) 9 млрд. сўм (ўртача ҳар бир ёшга
20 млн. 362 минг сўмдан) имтиёзли кредитлар ажратилди;
