May 11, 2022

Бугун, эрта тонгдан туман ҳокими Р.Рўзиев ва ҳоким ўринбосари С.Муратов биргаликда туманимизнинг тозалигига масъул бўлган тозалик, поклик олиб кириб, туманимизни файзли гўшалар қаторига қўшаётган қаҳрамонлар билан учрашди.

Даставвал ҳоким бошқарма ходимлари билан бирма-бир суҳбат олиб борди.  Шундан сўнг бошқарма биноси ҳолати билан яқиндан танишди.

Учрашув давомида туман ҳокими томонидан ишчи хизматчиларнинг қўшимча таклифларини инобатга олиб, бошқарма биносини алмаштириш, ходимларини кийиниш хонаси билан таъминлаш таклифи лойиҳасини ишлаб чиқиш туман ҳокимининг ўринбосари С.Муратов, Ободонлаштириш бошқармаси раҳбари Ғ.Тухтаевларга юклади.

Бундан ташқари, бошқарма бошлиғи томонидан моддий техника базаси таништирилди ва келгусида иш самарадорлигини ошириш борасида техника бўлган талаб ошиши ҳақидаги ўз таклифини билдириб, қўшимча транспорт воситасига эҳтиёж борлигини билдирди.

Мулоқот жараёнида Конимех тумани ҳокими Руслан Рўзиев бошқарманинг барча ходимларига келгусидаги иш фаолиятларига алоқадор ҳар қандай масалалар юзасидан туман ҳокими қабулхонасига мурожаат қилишлари мумкинлигини таъкидлаб ўтди.

May 10, 2022

Конимех тумани ҳокими Р.Рўзиев биринчи иш кунини “Наврўз” маҳалласи ҳамда “яшил макон” аксияси доирасида ташкил этилган мевали ва манзарали дарахт кўчатларнинг ҳолатини ўрганишдан бошлади

Конимех тумани ҳокими Р.Рўзиев 1-сектор худудидаги “Наврўз” маҳалласига ташриф буюрди ва вилоят халқ қабулхонаси раҳбари Ф.Қувондиқов билан биргаликда маҳалла фуқаролар йиғини фаолияти ҳамда маҳаллада олиб борилаётган қурилиш, бунёдкорлик ишлари билан яқиндан танишди.

Шунингдек, “Шўртепа” МФЙ худудида “Яшил макон” акцияси доирасида ташкил этилган умуммиллий лойиха асосида Конимех тумани ҳокимлиги, корхона, ташкилот ҳамда муассасалар ташаббуси билан тумандаги “Шўртепа” маҳалласи худудида атроф мухитни ободонлаштириш ҳамда кўкаламзорлаштириш мақсадида етти гектар майдонга уч минг дона мевали ва манзарали дарахт кўчатларини экиш ишлари амалга оширилган.
Туман ҳокими Р.Рўзиев ўша худудни кўздан кечирар экан кўчатларни ўз вақтида суғориш, ернинг озиқавий ҳолатини яхшилаш, бегона ўтларлардан тозалаш бўйича тегишли мутасаддиларга топшириқ ва кўрсатмаларини бериб ўтди.

Конимех тумани ҳокимлиги Ахборот хизмати.

May 10, 2022

 

Мамлакат фуқаролари тўғрисидаги маълумотлар ҳар қандай давлат миллий статистикасининг муҳим қисми саналади. Бундай маълумотлар маълум вақт оралиғида аҳолини рўйхатга олиш тадбирлари орқали тўпланади. Улар нафақат республика, балки Ер юзи аҳолисининг сони, ижтимоий ҳолати, даромадлари каби бир қанча муҳим ахборотларни ҳисоблаб боришга хизмат қилади.

Шу боис, Республикамизда мустақиллик йилларида аҳолини рўйхатга олиш тадбири илк бор ўтказилаётганлигини инобатга олиб, тадбирга пухта тайёргарлик кўриш ва уни сифатли ўтказиш мақсадида, Ўзбекистон Республикаси Вазирлар Маҳкамасининг 2020 йил 11 ноябрдаги “Ўзбекистон Республикасида 2023 йилда аҳолини рўйхатга олишга тайёргарлик кўриш ва уни ўтказиш чора-тадбирлари тўғрисида”ги 710-сон қарори қабул қилинди.

Қарор билан Ўзбекистон Республикасида аҳолини рўйхатга олиш
2023 йил 1-25 ноябрь кунлари амалга оширилиши белгиланди.

Аҳолини рўйхатга олиш жараёнларини халқаро талабларга мос
ва сифатли ўтказиш учун картографик материалларнинг аниқлиги
муҳим ҳисобланади. Шу мақсадда, Давлат кадастр палатаси Навоий вилоят бошқармаси ва вилоят ҳокимликлари билан биргаликда аҳолини рўйхатга олиш учун зарур бўлган миқдорда шаҳар ва қишлоқ аҳоли пунктларининг схематик режалари ва хариталари тайёрланди.

Шунингдек, Давлат кадастр палатаси Навоий вилоят бошқармаси ва вилоят ҳокимликлари шаҳар, туманлар ва шаҳарлар ҳокимликларига кадастр
ва маҳалла органлари билан биргаликда аҳоли пунктлари ва кўчалар ном белгиларини ўрнатиш, хонадон ва уйларни рақамлаш ишлари амалга оширилди.

Аҳолини рўйхатга олиш  мамлакат ҳудудида миллати, элатидан қатъий назар барча инсонларни бирлаштирадиган умуммиллий тадбир бўлиб, унинг ўтказилишидан барчамиз, сиёсий қарашларимиз ва ижтимоий мавқеимиздан қатъий назар бирдек манфаатдормиз. Боиси, мазкур йирик ижтимоий тадбир орқали, биринчи навбатда, жами аҳолининг  сони, фуқаролиги, никоҳ ҳолати, таълим даражаси, яшаш учун даромад манбалари, уйсизлар сони, уй хўжалинининг яшаш шароитлари каби бир қанча кўрсаткичлар бўйича бугунги кунда етарлича мавжуд бўлмаган маълумотлар базаси шакллантирилади. Шаҳарча, маҳалла, қишлоқ ва овуллар сони ҳамда уларнинг чегаралари, турар жойлар сони, улардаги мавжуд шарт-шароитлар тўғрисидаги маълумотларга аниқлик киритилади.

 

Ушбу тадбирларнинг аҳамиятли жиҳати шундаки, улар орқали нафақат ўзимиз, балки келажак авлод учун муҳим маълумотларни тўплашга эришамиз. Аҳолини рўйхатга олиш натижалари мамлакатимизнинг кейинги демографик ва ижтимоий сиёсатини белгилаш билан бирга, республика ва ҳудудларни ижтимоий-иқтисодий ривожлантириш прогнозлари ҳамда дастурларини тузишда кенг қўлланилади. Кейинги ўн йилликка мўлжалланган оилаларни қўллаб-қўвватлашга қаратилган ижтимоий дастурларни шакллантириш, шифохоналар, болалар боғчалари, мактаблар ва уй-жой қурилишини режалаштиришда фойдаланилади.

Бир сўз билан айтганда, аҳоли тўғрисида тўпланадиган маълумотлар барча соҳаларни ривожлантириб, мамлакатни янада тараққий эттиришга, жаҳон майдонида Янги Ўзбекистоннинг янгича қиёфасини акс эттирувчи омил бўлиб хизмат қилади.

 

 Статистика бўлими

 

Aprel 27, 2022

Ҳимояга муҳтож кишиларнинг реабилитация техник восита­лари ва протез-ортопедия маҳсулотларига бўлган эҳтиёжини қондириш фаолиятимизнинг асосий мезонидир.

Конимех тумани тиббий-ижтимоий хизматлар бўлими томони­дан жорий йилнинг 4 ойи давомида ҳудуддаги ноги­ронлиги бўлган шахсларнинг 17 нафарига ногиронлик аравачалари берилган бўлса, 12 нафари эшитиш мослама­си, 7 нафари қўлтиқтаёқ,  36 нафари ҳасса, 21 нафари эса бошқа турдаги техник во­ситалар билан таъминланди.

Вазирлар Маҳкамасининг қарорига асо­сан рўйхатга олинган 47 нафар ўзгалар парваришига муҳтож ёлғиз кексалар, но­гиронлиги бўлган шахсларга туман тиббий-ижти­моий хизматлар бўлими томонидан уларнинг яшаш жойида ижтимоий хизмат­лар кўрсатиб келинади. Шундан 30 нафар ўзгалар парваришига муҳтож ёлғиз кекса ва ногиронлиги бўлган шахслар бепул 15 хил турдаги асосий озиқ-овқат маҳсулотлари, шунингдек, 4 хил турдаги тиббий-гигиеник воситалар билан таъминланмоқда.

“Моҳи рамазон” кунларида туман марказидаги “Шахнозабону” кафесида Навоий вилоят тиббий-ижтимоий хизматларни ривожлантириш бошқармаси ташаббуси билан туман тиббий-ижтимоий хизматларни ривожлантириш бўлими ҳамда “Navoiy metall torg” МЧЖ, “Олий сифат сари” х/к раҳбари М.Абдураимовлар ҳомийлигида ўзгалар парваришига муҳтож ёлғиз кексалардан 30 нафарига ифторлик қилиб берилди.

Шунингдек Тадбир давомида ётиқли бўлган ёлғиз кексалар ҳолидан ҳам хабар олиниб, кексаларга ифторлик таомлари тарқатилди.

Aprel 27, 2022

Jamiyatimizda aksariyat aholi vakillari pensiya va nafaqa tushunchalari bir ma’noli deb hisoblaydi ya’ni pensiya bu nafaqa so‘zining rus tili lug’ati tarjimasi deb xato o‘ylashadi (aslida, nafaqa rus tiliga “posobiye” deb tarjima qilinadi). Bundan tashqari ommaviy axborot vositalari, ijtimoiy tarmoqlarda ham foydalanuvchilar pensioner va nafaqaxo‘r tushunchalarini sinonim sifatida noo‘rin ishlatishadi.

    Xo‘sh, bu ikki tushunchaning farqi nimada?

O‘zbekiston Respublikasining “Fuqarolarning davlat pensiya ta’minoti to‘g‘risida”gi Qonuni asosida, O‘zbekiston Respublikasi fuqarolarining qariganda, mehnat qobiliyatini yo’qotganda, boquvchisiz qolganda ijtimoiy ta’minlanishdan iborat konstitusiyaviy huquqlarini ruyobga chiqarish, davlat pensiyalarining yagona tizimini, ularni tayinlash , hisoblab chiqarish qayta hisoblash va to’lash tartibini belgilab beradi. Qonunga asosan fuqarolar quyida keltirilgan turlari bo’yicha pensiya huquqi vujudga kelgan taqdirda murojaat qilish huquqlari kafolatlangan.

  1. Yoshga doir pensiya.
  2. Nogironlik pensiyasi.
  3. Boquvchisini yo‘qotganlik pensiyasi.

      Yoshga doir pensiya olish huquqiga:

  • erkaklar — 60 yoshga to‘lganda va ish stajlari kamida 25 yil bo‘lgan taqdirda to’liq ish staji asosida, shuningdek kamida 7-yil ish staji mavjud bo’lganda to’liqsiz ish staji asosida ega bo‘ladilar;
  • ayollar — 55 yoshga to‘lganda va ish stajlari kamida 20 yil bo‘lgan taqdirda to’liq ish staji asosida, shuningdek kamida 7-yil ish staji mavjud bo’lganda to’liqsiz ish staji asosida ega bo‘ladilar.

Nogironlik pensiyalari qonun hujjatlarida belgilangan tartibda I va II guruh nogironligi bo‘lgan shaxs deb topilgan shaxslarga tayinlanadi. Umumiy kasallik oqibatidagi nogironlik pensiyalari nogironlik boshlangan paytga qadar yoshiga nisbatdan talab qilingan ish staji asosida tayinlanadi. Mehnatda mayiblanganda yoki kasb kasalligiga uchraganda beriladigan nogironlik pensiyalari ish stajidan qat’i nazar, tayinlanishi ko’zda tutilgan.

Vafot etgan boquvchining qaramog‘ida bo‘lgan mehnatga qobiliyatsiz oila a’zolari ham boquvchisini yo‘qotganlik pensiyasi olish huquqiga ega bo’lib, pensiya tayinlashda marhum boquvchining vafoti sodir bo’lgan vaqtga nisbatdan talab qilingan ish staji asosida ega bo‘lishi ko’zda tutilgan.

Shuningdek, pensiya tayinlashda qonunchilikda belgilangan Ish stajiga ega bo‘lmagan fuqarolar va ularning oilalari ushbu qonunga binoan davlat pensiyalari olish huquqiga ega emasligi ko’rsatib o‘tilgan.

Ularning ijtimoiy ta’minoti O‘zbekiston Respublikasi Vazirlar Mahkamasining 2011 yil 7 apreldagi 107-son qarori bilan tasdiqlangan “Pensiya tayinlash uchun zarur bo‘lgan ish stajiga ega bo‘lmagan qariyalarga va mehnatga layoqatsiz fuqarolarga nafaqalar tayinlash va to‘lash tartibi to‘g‘risida”gi nizom bilan tartibga solinadi.

          Mazkur Nizom bo‘yicha nafaqalarning ham huddi pensiya kabi 3 turi bor:

  1. Yoshga doir nafaqa.
  2. Nogironlik nafaqasi (bolalikdan nogironligi bo‘lgan shaxslardan tashqari,).
  3. Boquvchisini yo‘qotganlik nafaqasi.

Yoshga doir nafaqa erkaklarga — 65 yoshga yetganlarida; ayollarga — 60 yoshga yetganlarida; bolalikdan nogironligi bo‘lgan farzandi bor onalarga — 55 yoshga yetganlarida tayinlanadi va to‘lanadi.

Nogironlik nafaqasi nogironlik sodir bo‘lgan hollarda, yoshidan qat’i nazar, ish stajiga ega bo‘lmagan I va II guruh nogironligi bo‘lgan shaxslarga tayinlanadi va to‘lanadi.

Ish stajiga ega bo‘lmagan boquvchining vafoti munosabati bilan qaramog‘ida bo‘lgan oilaning mehnatga layoqatsiz a’zolari boquvchisini yo‘qotganlik nafaqasi tayinlanadi va to‘lanadi.

Xulosa o‘rnida, fuqarolarda belgilangan, ijtimoiy sug’urtalangan ish staji mavjud bo’lganda davlat pensiyalari tayinlanishi mumkin,etarli ish stajiga ega bo‘lmagan fuqarolarga esa amalda bo’lgan qonunchiliklar asosida nafaqa tayinlanishi ko’zda tutiladi.

            Nafaqalar davlat xizmatlari markazlari yoki YIDXP orqali murojaat qilinganida Pensiya jamg‘armasining bo‘limi tomonidan tayinlanadi va to‘lanadi.

Aprel 22, 2022

 

Навбатдаги сайёр қабул бугун “Бирлик”, “Наврўз” ва “Дўстлик” маҳалла фуқаролари учун ўтказилди.

Қабул жараёнида Конимех тумани ҳокими М.Эгамқулов, туман прокуратураси, туман ИИБ, ҳоким ўринбосарлари, тегишли ташкилот раҳбарлари, ва маъсуллар иштирок этдилар.

Ўтказилган қабулда фуқаролар иш билан таъминланиш, ижтимоий ёрдам, уй-жой таъмири, ижтимоий ёрдамга мухтожлар учун белгиланган уй-жой олиш,

тадбиркорлик қилиш учун ер майдони ажратиш, йўл, сув таъминоти, тиббий-ижтимоий ёрдам ва бошқа ўзларини қийнаётган масалалар бўйича мурожаат қилишди.

Мурожаатлар тегишли тартибда мутахассислар ва ҳоким ўринбосарларига йўналтирилиб, ечим топилган мурожаатлар жойида ҳал этилди.

Барча мурожаатлар тегишли тартибда рўйхатга олиниб, ечими топилган мурожаатлар жойида ҳал этилди ва айрим мурожаатлар ҳуқуқий маслаҳат ва тушунчалар билан қониқтирилди.

Муддат талаб этилувчи мурожаатлар эса ҳал этиш учун тегишли мутасаддиларга бириктирилиб, назоратга олинди.

Aprel 20, 2022

“Ташаббусли бюджет” лойиҳаси ғолиблари эълон қилинди (https://openbudget.uz/boards/4?stage=4&page=1).

Сайтдаги маълумотларга кўра, 2215 та ташаббус ғолиб деб топилган ва энди улар давлат бюджетидан молиялаштирилади.

Туманимиздан 4 та ташаббус ғолиб дея топилган.

 

 

Улар билан қуйидаги манзил орқали танишиб чиқишингиз мумкин.

Aprel 12, 2022
https://t.me/konimex_tumani_axborot_xizmati

Президентимиз ташаббуси билан бошланган «Яшил макон» умуммиллий лойиҳаси асосида бошланган дарахт кўчатларини экиш ишларида Конимех туман ҳокимлиги фаол иштирок этишмоқда.

https://t.me/konimex_tumani_axborot_xizmati

“Бирлик” маҳалласи “Ибн Сино” кўчасида бир неча йиллардан буён бўш ётган ерларни яшил маконга айлантириш мақсадида Конимех тумани ҳокими М.Эгамқулов бошчилигида 20.000 дона гул кўчатлари, 250 та арча, 400 туп чинор ва 1000 та тут кўчатлари ушбу ҳудудга экилмоқда.

https://t.me/konimex_tumani_axborot_xizmati

Президентимиз Ш.Мирзиёев таъкидлаганларидек, “Яшил макон” умуммиллий лойиҳаси – бу бир йиллик тадбир эмас.

https://t.me/konimex_tumani_axborot_xizmati

Дарҳақиқат, яшаб турган жойимизни озода сақлаб, биздан кейинги авлод ҳам муносиб табиий муҳитда яшашлари учун бугун биз табиатга меҳр ва эътибор берсак келажак авлод ҳам муносиб экологик шароитда яшайди.

https://t.me/konimex_tumani_axborot_xizmati

Бунинг учун биздан талаб қилинадиган биргина нарса, табиатни тоза-озода сақлаган ҳолда ер ва сув ресурсларини, экологик тизимни асраш ҳамда дарахт кўчатларини экиб, боғ яратишдир.

https://t.me/konimex_tumani_axborot_xizmati
https://t.me/konimex_tumani_axborot_xizmati
https://t.me/konimex_tumani_axborot_xizmati

Конимех тумани ҳокимлиги матбуот хизмати.

Aprel 8, 2022

Xabaringiz bor, joriy yil 16 mart kuni Prezidentimiz Davlat soliq qo‘mitasiga tashrif buyurib, soliq organlari xodimlari bilan muloqot davomida tadbirkorlar bilan uchrashib ularning muammolarini o‘rganish, soliq qonunchiligidagi o‘zgarishlar bo‘yicha tushuntirishlar berish yuzasidan zarur topshiriqlar bergan edi.

Mazkur topshiriqlar ijrosini bajarish, tumanda faoliyat yuritayotgan tadbirkorlarning muammolarini o‘rganish va qisqa muddatda ijobiy hal etish maqsadida joriy yilning 28-29 mart kunlari Navoiy viloyatining Zarafshon va Navoiy shahri, Navbahor hamda Qiziltepa tumanlarida ham Davlat soliq qo‘mitasi rahbariyati ishtirokida qator uchrashuvlar tashkil etildi. Xususan mazkur muloqotlarda Konimex tumanidan ham 35 nafar tadbirkorlar ishtirok etib, ular duch kelgan muammolar va ularni o‘ylantirayotgan savollar batafsil o‘rganildi.

Bugungi kunda ham “Soliqchi-ko‘makchi” tamoyili asosida tuman davlat soliq inspeksiyasi tomonidan tadbirkorlar huzuriga borgan holda ularning muammolarini o‘rganib, sayyor soliq maslahatlari ko‘rsatilmoqda.

Masalan, 1-chorak davomida tumanda 127 ta korxonalarning muammolari batafsil o‘rganildi. Natijada, soliq inspeksiyasi xodimlari ko‘magi bilan 43 ta muammolar ijobiy hal etildi. Bugungi kunda boshqa tashkilotlar bilan bog‘liq masalalar qat’iy nazoratga olinib, hamkorlikda hal etish choralari ko‘rilmoqda.

Shuningdek, o‘rganishlar davomida soliq turlari bo‘yicha 7 ta subyektlarning 29,7 million so‘m mavjud ortiqcha to‘lov summasi qaytarib berildi.

E’tiborli jihatlardan yana biri, soliq islohotlarining jadallik bilan amalga oshirilishi hamda soliq mexanizmlarining yanada soddalashishi natijasida, yashirin iqtisodiyot keskin qisqarib, soliq tushumlari sezilarli darajada ortmoqda. Masalan, Konimex tumanining 2022 yil 1-choragi uchun belgilangan 5,7 milliard so‘mlik budjet prognoz rejasi 5,8 milliard so‘mga (102,5 %) ortig‘i bilan bajarilib, 0,1 milliard so‘mga ko‘p mablag‘ davlat budjetiga tushishiga erishildi. Natijada, tushumlar miqdori o‘tgan yilning mos davriga (5,6 mlrd.so‘m) nisbatan 104,3 foizga o‘sishi kuzatildi.

Joriy etilgan qator soliq imtiyozlari, soliq yuki va turlarining kamaytirilganligi to‘g‘risida tadbirkorlar o‘rtasida olib borilayotgan tushuntirish-targ‘ibot ishlari natijasida 146 ta norasmiy ish o‘rinlari qonuniylashtirildi. Muhimi, fuqarolar muqim ish o‘rinlariga ega bo‘ldi.

Ayniqsa, turli sabablar bilan faoliyati vaqtincha to‘xtab qolgan tadbirkorlik subyektlarini har tomonlama qo‘llab-quvvatlash, ular faoliyatini tiklash borasida joriy yilning 1-choragi davomida samarali ishlar amalga oshirildi. Jumladan, ana shunday 8 ta korxonaning faoliyati tiklandi. Natijada, 12 ta yangi ish o‘rinlari yaratildi. E’tiborlisi, mazkur tadbirkorlik subyektlari ish boshlashi bilan ularga qo‘llanilgan ta’sirchan soliq mexanizmlari bekor qilinib, qariyb 54 million so‘mlik mablag‘ ular ixtiyorida qoldirildi.

Shu o‘rinda ta’kidlash o‘rinliki, bugungi tadbirkor kechagisidan tubdan farq qiladi. Qonunchiligimiz ham ular uchun qator yengillik va qulaylik yaratishga qaratilgan. Buning natijasida, iqtisodiyotda xufyona bozor mexanizmlariga o‘z-o‘zidan chek qo‘yilmoqda. Halol tadbirkor uchun shaffof va qonuniy ishlaydigan davr keldi. Shu bois, savdo va xizmat ko‘rsatish sohasida onlayn nazorat-kassa mashinalaridan foydalanuvchilar soni bugun 192 nafarni tashkil etmoqda.

Bugungi kunda qo‘lida hunari bor yoki uyda yakka tartibda ma’lum faoliyat bilan shug‘ullanib kelayotgan fuqarolarimiz talaygina. Ularning o‘zini o‘zi band qilishi, ish stajiga ega bo‘lishi uchun soliq xizmati organlari tomonidan doimiy ko‘mak ko‘rsatib kelinmoqda. Jumladan, joriy yilning 1-choragi yakuni bilan tumanda 778 nafar fuqarolar o‘zini o‘zi band qilish tizimi orqali ro‘yxatdan o‘tib, muayyan faoliyat turlari bilan muntazam shug‘ullanib kelmoqda. Eng muhimi, ularning 262 nafarini 30 yoshgacha bo‘lgan yoshlar tashkil etadi.

Hurmatli soliq to‘lovchilar! Biz soliq xizmati organlari xodimlari sizlarning muammolaringizni qonuniy hal etish, faoliyatingiz davomida yuzaga kelgan barcha tushunmovchiliklarga yechim topishda doimiy ko‘mak berishga tayyormiz.

Spelling error report

The following text will be sent to our editors: