Hurmatli foydalanuvchilar! Sayt test rejimida, tarkibni to'ldirish bo'yicha ishlar olib borilmoqda. Noqulayliklar uchun uzr so'raymiz. Sayt ma'muriyati.
Dekabr 14, 2021
 

 

-Сессия аввалида Конимех тумани ҳокими М.Эгамқуловнинг Халқ депутатлари Конимех тумани кенгашига, Ҳудудни ижтимоий-иқтисодий ривожлантириш борасида амалга оширилган ишлар ва эришилган натижалар якуни ҳамда келгуси йил учун устувор вазифалар ва режалар тўғрисида ҳисоботи (мурожаати) тингланди.

-Шундан сўнг депутатларга Давлат солиқ инспексияси бошлиғи Р.Турсуновнинг Конимех тумани 2021-йил бюджети ҳамда маҳаллий бюджети даромадлар режасининг ижроси тахлили ҳамда 2022-йил учун юридик ва жисмоний шахсларнинг МФЙ кесимида уларнинг иқтисодий ривожланишига қараб камайтирувчи ва оширувчи коэффицентларини қўллаган ҳолда ер солиғи ставкаларини белгилаш тўғрисидаги ҳисоботи тақдим этилди.

-Давлат органлари ва ташкилотларининг норма ижодкорлиги ҳақида ҳуқуқни қўллаш амалиёти ҳолати бўйича туман Адлия бўлим бошлиғи Н.Исмоиловнинг ахбороти тингланди.

-Ҳудудда атроф муҳитни муҳофаза қилишнинг ҳолати тўғрисида туман Экология ва атроф муҳитни муҳофаза қилиш бўлим бошлиғи Н.Буриевнинг ҳисоботи эшитилди.

-Ўзбекистон Республикаси Ёшлар ишлари агентлиги Конимех туман бўлими бошлиғи Э.Туремуратовнинг Ёшлар муаммоларининг ҳал этилишига кўмаклашиш, ёш авлоднинг истеъдоди ва қобилиятларини ривожлантириш қўшимча шароитлар яратиш борасида амалга оширилган ишлар бўйича амалга оширилган ишлар тўғрисидаги масалаларни муҳокама қилдилар.

– Сув ресурсларини бошқариш, сув хўжалиги объектларининг техник ҳолатини яхшилаш, шунингдек туманларда сув тежовчи суғориш технологияларини жорий этиш ҳолати тўғрисида туман Сув хўжалиги бўлим бошлиғи Т.Алдекеевнинг ҳисоботи тепутатлар томонидан тингланди.

7. Сессия сўнгида бошқа масалалар ҳам кўриб чиқилди.

Муҳокама қилинган масалалар юзасидан тегишли қарорлар қабул қилинди.

Конимех тумани ҳокимлиги Матбуот хизмати.

Dekabr 7, 2021
 

Бугун 7 декабрь куни Конимех туманида Ўзбекистон Республикаси Конституцияси қабул қилинганининг 29 йиллиги муносабати билан туман ҳокимлиги томонидан байрам тадбири ташкил этилди.

Конимех туман ҳокимлиги, туман Халқ қабулхонаси, туман Маънавият ва маърифат бўлинмаси, туман прокатураси, туман ИИБ, туман ХТБ бўлими, фаол жамоатчилик вакиллари ҳамда ОАВ вакиллари иштирок этдилар.

Тадбирда туман ҳокими М.Эгамқулов маъруза қилди. Маърузада ўтган бир йил давомида туманни ижтимоий-иқтисодий ривожлантириш бўйича амалга оширилган ишлар ва келгусидаги режалар, Асосий Қонунимизда фуқаролар ҳуқуқлари ва қонуний манфаатларининг ифода этилганлиги тўғрисида тўхталди.

Давлатимиз раҳбарининг доно ички ва ташқи сиёсати туфайли ҳаётимиз бутунлай ўзгача маъно ва мазмун касб этмоқда. Ўзбекистоннинг яқин ва узоқ мамлакатлар, хусусан Марказий Осиё давлатлари билан янгиланган муносабатларини халқимиз чин дилдан қўллаб – қувватламоқда. Яқин қўшничилик муносабатлари халқларимиз ўртасидаги алоқаларни янги даражага кўтарди.

Таъкидланганидек, Конституциямизнинг бу йилги байрами Ўзбекистон Республикаси Президенти Шавкат Миромонович Мирзиёев ташаббуси ва раҳнамолигида мамлакатимизда кенг кўламдаги сиёсий, иқтисодий, ижтимоий ва маданий – маърифий ислоҳотлар шиддат билан амалга оширилаётган бир даврда нишонланмоқда. Бу янгиланишлар халқимизнинг орзу ва армонларини рўёбга чиқармоқда.

Буларнинг ҳаммаси Ўзбекистон Республикаси фуқароларининг Асосий Қонинимиз – Ўзбекистон Республикаси Конституциясида кафолатланган эркинлик ва ҳуқуқларидан тўла фойдаланаётганлигининг натижасидир.

Конимех туман ҳокимлиги матбуот хизмати.

Dekabr 5, 2021

Ўзбекистон Республикасида 2017 йил 3 январда     “Коррупцияга қарши курашиш тўғрисида”ги Қонун кучга киритилган. Мазкур Қонун 6-боб, 34-моддадан иборат.

Конимех туман Маҳалла ва оилани қўллаб-қувватлаш бўлими биносида   9 декабрь “Халқаро коррупцияга қарши кураш куни” муносабати билан “Коррупция – ривожланишимизга тўсиқ” мавзусида давра суҳбати ташкил этилди.

Тадбирда туман ҳокимлиги, Прокуратура, Ички ишлар бўлими, Суд-ҳуқуқни муҳофаза қилувчи органлари, маҳалла раислари ва ходимлари иштирок этишди.

Тадбирни ташкил этишда Суд, Прокуратура, барча соха  органларида коррупцияга қарши курашиш борасида амалиётга татбиқ этилаётган ҳуқуқий ҳужжатларнинг ижросини таъминлаш, хусусан, давлат ташкилотлари ҳамда тадбиркорлик субъектлари ўртасида коррупция ҳаракатларини олдини олиш ва уларга чек қўйишга оид масалалар юзасидан амалга оширилаётган чора-тадбирларга асосий эътибор қаратилди.

Тадбир давомида мамлакатимизда аҳоли ҳамда давлат ташкилоти ходимларига ҳар томонлама қулай шароит яратиб берилаётгани, аммо баъзи ҳолларда айрим фуқаролар ўз ҳақ-ҳуқуқларини яхши билмасликлари туфайли таъмагирлик, порахўрлик, коррупция ҳолатлари юзага келаётгани, бунинг учун эса, давлат ва нодавлат ташкилот ходимлари ўртасида ўзаро ҳамкорликни янада мустаҳкамлаш зарур эканлигига алоҳида эътибор қаратилди.

Конимех туман ҳокимлиги матбуот хизмати.

Dekabr 5, 2021

9 mln so‘m pora bilan qo‘lga tushgan Konimex tumani Obodonlashtirish boshqarmasining sobiq boshlig‘iga nisbatan sud hukmi o‘qildi. Bu haqda jinoyat ishlari bo‘yicha Konimex tuman sudi raisi Maqsud Rayimov xabar berdi.

Ma’lum qilinishicha, Konimex tumani Obodonlashtirish boshqarmasi boshlig‘i lavozimida ishlagan 40 yoshli J.K. boshqarma tasarrufidagi “Damas” mashinasini boshqarmaning Zarafobod bo‘limi ixtiyoriga o‘tkazib berish uchun fuqaro F.M.dan 9 mln so‘m talab qilgan. U o‘z xizmat xonasida kelishilgan pulni olgan. Shuningdek, J.K. o‘zining jinoiy harakatlarini davom ettirib, tuman obodonlashtirish boshqarmasiga ajratilgan “Isuzu” mashinasini boshqarmaning Zafarobod bo‘limi ixtiyoriga o‘tkazib berish evaziga F.Z.dan 15 mln so‘m talab qilgan hamda kelishilgan pullarni fuqaro M.D. orqali olgan.

Ammo rahbar “va’dasi”ni bajarmagan. “Damas” va “Isuzu” mashinalarini boshqarmaning Zafarobod bo‘limiga biriktirib berish paysalga solib kelingan. Bundan norozi bo‘lgan F.M. bergan pullarini qaytarishni talab qilgan. J.K. pora tariqasida olgan pullarning bir qismi sifatida 4 mln so‘m mablag‘ni fuqaro A.M. orqali qaytargan vaqtda huquqni muhofaza qiluvchi organ xodimlari tomonidan o‘tkazilgan tezkor tadbirda qo‘lga olingan.

Bundan tashqari, J.K. jinoiy sheriklari F.M. va M.D. bilan birgalikda obodonlashtirish boshqarmasi balansida bo‘lgan temir quvurlarni noqonuniy tarzda sotib yuborgan va 20,7 mln so‘mlik mol-mulkni o‘zlashtirish va rastrata qilish yo‘li bilan talon-toroj qilgan.

Sud hukmiga ko‘ra, J.K.ga 3 yil muddatga mansabdorlik va moddiy javobgarlik lavozimlarida ishlash huquqidan hamda 5 yil 1 oy muddatga ozodlikdan mahrum etish jazosi tayinlangan.

Dekabr 2, 2021
 

Ўзбекистон Республикаси Мудофаасига кўмаклашувчи “Ватанпарвар” ташкилоти Конимех туман ўқув спорт техника клубида 2021 йил 2 декабр куни “Ватанпарвар” ташкилоти Навоий вилоят Кенгаши раиси Ш.Исмоилов ,

туман мудофаа бўлими бошлиғи С.Атабойив ҳамда тумандаги умумий ўрта таълим мактабларининг ЧҚБТ раҳабарлари иштирокида Ўзбекистон Республикаси Қуролли Кучлари ташкил этилганлигининг 30 йиллиги ҳамда 15 декабрдан 15 январга қадар давом этадиган ватанпарварлик ойлиги ўтказилиши бўйича чора-тадбирлар режаси бандлари ижросини таъминлашга бағишланган учрашув ўтказилди.

Учрашувда “Ватанпарвар” ташкилотининг Навоий вилояти Кенгаши раиси Ш.Исмоилов сўзга чиқиб, биринчи навбатда Ўзбекистон Республикаси Мудофаасига кўмаклашувчи “Ватанпарвар” ташкилотининг асосий вазифа ва мақсадлари,

ёшлар ва фуқароларни меҳнатга ва Ватанни ҳимоя қилишга тайёрлаш, фуқаролар ва айниқса ёшлар ўртасида Ватанни ҳимоя қилиш ҳақидаги ғоялар, ёшларни ҳарбий-ватанпарварлик руҳида тарбиялаш ишларида кўмаклашиш, ҳамда хўжалик ҳисобидан турли тоифадаги автотраснпорт воситалари ҳайдовчиларини тайёрлаш ва қайта тайёрлаш,

турли оммавий касбдаги ходимларни тайёрлаш, худудда спортнинг техник ва амалий турларини ривожлантириш борасида тушунтириш ишлари олиб борди. Тадбир давомида учрашув иштирокчилари ўзларини қизиқтирган саволларга жавоб олдилар.

Конимех туман ҳокимлиги матбуот хизмати.

Dekabr 2, 2021
 

Бугун Конимех туман ҳокими М.Эгамқулов бошчилигидаги мутасадди ташкилотлар раҳбарлари “Тўққизтепа” маҳалла биносининг қурилиш ҳамда таъмирлаш жараёнларини ва амалга оширилаётган ишлар билан танишди.

Айни кунда маҳалла биноси янгидан замон талаблари асосида жорий таъмирланмоқда.

Таъмирлаш ишлари айни пайтда жадал суратлар билан кетмоқда. Маҳалла ходимлари фаолиятларини барча қулайликларга эга бўлган масканда олиб боришларидан мамнунлар, албатта. Туман ҳокими ўрганиш жараёнида қурувчилар билан ҳам суҳбатлашди ва ўз фикрларини билдирди.

Ушбу маҳалланинг эски биноси талабга жавоб бермас эди. Бевосита туман ҳокимининг тавсияси ва ёрдами билан маҳалла учун бино жорий таъмирланмоқда.

Бинода маҳалла ходимлари учун алоҳида иш хоналари, маҳаллада вақтинча ишсиз ҳамда аёллар дафтарида турган хотин-қизлар учун тикув цехи ва суҳбат зали мавжуд. Янги, барча қулайликларга эга бўлган ушбу маскан яқинда маҳалла аҳлига муносиб совға бўлади.

Конимех тумани ҳокимлиги матбуот хизмати.

Noyabr 24, 2021

           Жорий йилнинг 22 ноябрь куни Ўзбекистон Президентининг           “2022-2023 йилларга мўлжалланган Янги Ўзбекистон маъмурий ислоҳотлари дастурини ишлаб чиқиш бўйича ташкилий чора-тадбирлар тўғрисида”ги фармойиши қабул қилинди.

Президент 2022-2023 йилларга мўлжалланган Янги Ўзбекистон маъмурий ислоҳотлари дастурини ишлаб чиқишни мувофиқлаштирувчи республика комиссиясини (кейинги ўринларда – Комиссия) ҳамда қуйидагилар юзасидан таклифларни ишлаб чиқиш бўйича Ишчи гуруҳини ташкил этишга фармойиш берди:

-давлат бошқаруви органларининг мақомини белгилаш, тузилмаларини такомиллаштириш ва штат бирликларини мақбуллаштириш;

-давлат бошқаруви органлари фаолиятида рақамли технологиялар, очиқлик ва ДХШни ривожлантириш;

-давлат бошқаруви органларининг моддий-техника таъминотини такомиллаштириш;

-давлат бошқаруви органларининг кадрлар салоҳиятини такомиллаштириш;

-давлат бошқаруви органларида коррупциянинг олдини олиш;

-маҳаллий давлат ҳокимияти органлари фаолиятини тубдан такомиллаштириш.

Шунингдек 2022-2023 йилларга мўлжалланган Янги Ўзбекистон маъмурий ислоҳотлари дастурининг лойиҳасини ишлаб чиқиш схемаси тасдиқланди. Ишчи гуруҳлари раҳбарларига Дастур лойиҳасига таклифлар асосий устувор йўналишларни инобатга олган ҳолда ишлаб чиқилишини таъминлаш топширилди.

Тайёрланган таклифлар тақдимот кўринишида Президент Администрациясига тақдим қилинади ҳамда уларга таҳлилий маълумотнома ва жадваллар, ривожланган мамлакатларнинг тажрибасини ўрганиш бўйича маълумотнома ва бошқа материаллар, шунингдек зарур ҳолларда, НҲҲ лойиҳалари илова қилинади. Президент Администрацияси Вазирлар Маҳкамаси ҳамда ишчи гуруҳлари билан биргаликда тақдим қилинган тақдимот материалларини кўриб чиқади ҳамда Комиссияга киритади.

Комиссияга 2022 йил 1 мартга қадар 2022-2023 йилларда Янги Ўзбекистон маъмурий ислоҳотларини амалга ошириш бўйича “Йўл харитаси”ни тасдиқлашни назарда тутувчи Президент фармони лойиҳасини киритиш вазифаси топширилди.

 

Конимех туман адлия бўлими.

Noyabr 22, 2021
Ўзбекистон Республикаси мудофаасига кўмаклашувчи “Ватанпарвар” ташкилотининг 30 йиллиги муносабати билан Навоий вилояти кенгаши томонидан тантанали байрам тадбири ўтказилди.

Навоий ихтисослашган маданият мактаби фаоллар залида бўлиб ўтган тадбирни вилоят кенгаши раиси Шуҳрат Исмоилов кириш сўзи билан очиб берди.

Табрик учун сўзга чиқан мутасадди ташкилотларнинг раҳбар ходимлари, жумладан, Навоий вилояти ҳокимининг ҳарбий маъмурий сектор бўйича маслаҳатчиси Ҳалил Юсупов, вилоят Миллий гвардия бошқармасининг тарбиявий ва мафкуравий ишлари бўйича ўринбосари Темур Нурмаматов ҳозирги кунда “Ватанпарвар” ташкилотида йўлга қўйилаётган мутлақо янги тизимлар аҳоли, хусусан, ёшлар учун бир қатор енгилликлар, имкониятлар яратаётганлигини билдириб, Ташкилотнинг барча ходимларини қутлуғ сана билан табрикладилар.

Шунингдек, Ш.Исмоилов томонидан бир қатор ходимлар, меҳнат фахрийлари ва ҳамкор ташкилотлар вакиллари билан бирга  Конимех тумани ўқув спорт техника клуби раҳбари Б.Турдиевга “Ватанпарвар” ташкилотига 30 йил” эсдалик белгиси, фахрий ёрлиқлар ҳамда қимматбаҳо совғалар топширилди.

Конимех тумани ҳокимлиги матбуот хизмати.

Spelling error report

The following text will be sent to our editors: