Конимехда ижтимоий ҳимояга муҳтож, боқувчисини йўқотган ва ногиронлиги бўлган фуқаролар холидан хабар олиниб, уларнинг дилларига шодлик улашилмоқда.

Туман ҳокимининг хотин-қизлар бўйича маслаҳатчиси С.Написова тумандаги ногиронлиги бўлган ижтимиоий ҳимояга муҳтож фуқаролар холидан хабар олиб, уларнинг дилларига шодлик улашмоқда.

Давлатимиз раҳбари томонидан аёллар муаммоларини ўрганиш ва ижтимоий ҳимояга муҳтож аёлларни ҳар томонлама қўллаб-қувватлашга алоҳида эътибор қаратилмоқда. Бу борада “Аёллар дафтари”ни юритиш орқали ҳар бир оилага кириб бориб, аёлларнинг турмуш тарзини ўрганиш ва уларнинг муаммоларини бартараф этиш ишлари йўлга қўйилди. Конимех туманида ҳам бугунги кунда 775 нафар аёллар ушбу дафтарга 9 та йўналиш бўйича киритилган бўлиб, бу аёлларга ўз йўналишлари бўйича кўмак бериб келинмоқда.

Шунингдек, 51 нафар ижтимоий ёрдамга муҳтож ногиронлиги бўлган аёлларга моддий ёрдамлар кўрсатилди. Жумладан, куни кеча “Наврўз” маҳалласида яшовчи Тазагул Амановага тикув машинкаси ва Гулнара Турсинмуратова эшитиш мосламаси, “Дўстлик” маҳалласининг фуқароси Роза Раевага иситиш печи тақдим этилди.

Бундан ташқари, “Шўртепа” маҳалласи фуқароси Турсинай ая Абдукаримова ҳамда “Наврўз” маҳалласида истиқомат қилувчи Парча Асилбаевага ногиронлик аравачаси етказиб берилди.

Қаратилаётган эътибордан мамнун бўлган юртдошларимиз “Инсон қадри учун” шиорини илгари суриб, жонажон юртимизда яшаётган ҳар бир инсоннинг ҳаётдан рози бўлиб яшашини таъминлашга сидқидилдан ҳаракат қилаётган давлатимиз раҳбаридан ва ислоҳотлар ижросини ўз вақтида амалга ошираётган маҳаллий ҳокимлик мутасаддиларидан, барча масъуллардан миннатдор эканлигини билдирмоқда.

Бундайин юксак эътибордан кўнгли тоғдек кўтарилган 74 ёшни қаршилаган Шўртепалик меҳнат фахрийси Турсинай  ая Абдукаримова кўзга ёш олиб, юртимиз тинчлиги Президентимиз томонидан кўрсатилаётган ғамхўрлик учун миннатдорчилик туйғуларини билдирди ва доруламон кунлар учун шукроналик билдириб дуога қўл очди.

Ҳудудлардаги жисмоний имконияти чекланган, ижтимоий ҳимояга муҳтож ушбу фуқаролар турли кўринишдаги ижтимоий кўмак тадбирларидан баҳраманд бўлиб, чексиз миннатдорчилик изҳор қилмоқдалар.

Албатта, меҳр-мурувватли инсонлар бор экан, кўнгиллар обод бўлаверади.

Конимех тумани ҳокимлиги матбуот хизмати.

ЎЗБЕКИСТОН РЕСПУБЛИКАСИ ПРЕЗИДЕНТИНИНГ 2020 ЙИЛ 30 ОКТЯБРДАГИ “СОҒЛОМ ТУРМУШ ТАРЗИНИ КЕНГ ТАТБИҚ ЭТИШ ВА ОММАВИЙ СПОРТНИ ЯНАДА РИВОЖЛАНТИРИШ ЧОРА-ТАДБИРЛАРИ ТЎҒРИСИДА”ГИ 6099-СОНЛИ ФАРМОНИ ИЖРОСИНИ ТАЪМИНЛАНМОҚДА

Cоғлом турмуш тарзини кенг татбиқ этиш ва оммавий спортни янада ривожлантириш чора-тадбирлари тўғрисида 6099-сонли президент фармонига асосан Навоий вилояти

Конимех туманида ҳам туман ҳокимлиги ҳамда Конимех тумани қўриқлаш бўлими билан ҳамкорликда туман болалар ва ўсмирлар мактабида спортнинг бокс, стол тенниси, ҳамда волейбол спорт мусобақалари ўтказилиб келинмоқда.

Ўзбек тилига Давлат тили мақоми берилганининг 32 йиллиги бугун Конимех туманида кенг нишонланди.

Бугунги кунда мамлакатимизда ўзбек тилининг нуфузини янада юксалтириш, бу борадаги амалий ишлар, тадқиқотларни ривожлантириш, зарур қўлланма, луғатлар, илмий-маърифий манбаларни яратиш, унинг тарғботини кучайтириш борасида жадал ишлар олиб борилмоқда.

Дарҳақиқат, бу кунни биз ҳар қанча байрам қилсак арзийди. Тил – бу миллат кўзгуси, халқнинг маданияти, урф-одати, унинг турмуш тарзи, тарихини намоён қилувчи асосий муомала воситаси.

Она тилимиз бўлмиш ўзбек тилини асраш, ривожлантириш учун қанча даҳолар, алломалар тер тўкмади дейсиз. Хусусан, сўз мулкининг султони Алишер Навоий бобомизнинг ўзбек тилининг тараққиётига қўшган ҳиссаси, уни бутун дунёга танитишдек буюк заҳматидан биз ёшлар ўрнак олсак арзийди.

Шу муносабат билан жорий йил 21 октябрь куни туманимиз маданият марказида кенг қамровли тадбир бўлиб ўтди. Ушбу тадбирда туман ҳокими М.Эгамқулов ҳам иштирок этиб, она тилимизнинг илмий-маърифий манбаларни ўрганиш мақсадида турли йўналишларда кўрик танловда ғолиб бўлган ўқувчилар ҳамда уларнинг ўқитувчиларига фаҳрий ёрлиқ ва эсдалик совғаларини топширди.

Туман маданият бўлими томонидан турли саҳна кўринишлари ва куй-қўшиқлар янгради.

“Ўзагроинспекция”нинг Конимех туман бўлими томонидан жорий йил ноябрь-декабрь ойларида асосий майдонларда экиладиган пиёз ва саримсоқпиёз экинларининг мавжуд ҳамда етишмайдиган уруғликлар таҳлил қилинди.

 “Ўзагроинспекция”нинг Конимех туман бўлимининг уруғчиликни назорат қилиш соҳаси инспектори А.Бойматов томонидан, Ўзбекистон Республикаси Вазирлар Маҳкамасининг 2021 йил 4 мартдаги “Мавжуд ер майдонларидан самарали фойдаланиш ва 2021 йил ҳосили учун қишлоқ хўжалиги экинларини оқилона жойлаштириш тўғрисида”ги 121-сонли қарорининг 3-иловаси ижросини таъминлаш мақсадида, 2021 йил ҳосили учун ноябрь-декабрь ойларида асосий ва боғ қатор оралари майдонларда экиладиган пиёз ва саримсоқпиёз экинлари уруғликларини мавжудлиги ҳамда етишмайдиган қисмини аниқлаш, етишмайдиган уруғликларни импорт қилиш чораларини кўрилиши бўйича маҳаллий ҳокимликлар томонидан олиб борилаётган ишлар назорат қилиб борилмоқда.

Шунингдек, жорий йил ноябрь-декабрь ойларида асосий майдонларда экиш учун жами 75 гектар майдонларда пиёз ва саримсоқпиёз экинлари бўлиб, шундан, 53 гектар пиёз ва 22 гектар саримсоқпиёз экилиши режалаштирилган. Бугунги кунда жами 10,68 тонна уруғлик талаб этилиши ҳисоб китоб қилинган.

“Ўзагроинспекция”нинг Конимех туман бўлими инспектори томонидан уруғликларнинг мавжудлиги ва уларнинг сақланиш ҳолатлари қисқа муддатда ўрганиб чиқилди.

Ўрганишлар натижаларига кўра, бугунги кунда, Туман бўйича жами

8,62 тонна уруғликлар мавжуд эканлиги ҳамда талаб этиладиган уруғлик миқдорига нисбатан 2,06 тонна, шундан, 0,6 тонна пиёз ва 2,0 тонна саримсоқпиёз уруғликлари етишмаслиги маълум бўлди. Бу борада экиш ишларига масъул бўлган масъулларга тегишли огоҳлантиришлар киритилиши таъминланди.

Бундан ташқари, “Ўзагроинспекция”нинг Конимех туман бўлими инспектори А.Бойматов томонидан экиш мавсуми давомида фермер хўжаликлари ва қишлоқ хўжалиги корхоналарига сифатли уруғликларни ўз муддатида етказиб берилиши ҳамда тўлиқ экилиши доимий назорат қилиб борилади.

Инспекциянинг Конимех туман

 бўлими бошлиғи                                                                          Н.Нуржаубаев

       Барчамизга маълумки, йигирма биринчи аср ахборот асри бўлиб, ҳозирги давр авлоди глобаллашув жараёни шиддатли тус олган замонда яшамоқда. Айнан ёш авлод турли кўринишдаги ғоявий хуружлар нишонига айлангани ҳам ҳеч кимга сир эмас.

Бир томондан экстремистик руҳдаги оқимлар фаолияти, бошқа томондан миссионерлар ҳаракати, учинчи томондан эса “оммавий маданият” тарғиботчилари ёш авлод онгига соф Ислом дини таълимотига зид ақидаларни сингдириш, муқаддас эътиқодимиздан айириш ва ўзбекона миллий ва диний қадриятларимиздан воз кечишга тарғиб этиш билан ўз фаолиятларини муттасил олиб бормоқдалар.

Натижада, соф Ислом таълимотидан етарли даражада илмга эга бўлмаган баъзи ёшлар экстремистик ғояларга чалғиб турли хил жинояларга қўл урмоқдалар, баъзилари ана шундай жиноятларнинг қурбонига айланмоқдалар. Яна баъзилари Ислом динидек маърифатпарвар, тинчликпарвар, бутун инсониятга фақат яхшиликни таълим бергувчи динни қандайдир арзимаган дунё матоҳига алмашиб ўзга динни дин деб қабул қилмоқда.

Юқоридаги каби салбий ҳолатларни олдини олиш, аҳоли ва ёшларни экстремистик оқимлар, миссионерлик билан боғлиқ ёт ғоялардан асраш, шунингдек, ижтимоий-маънавий муҳитни соғломлаштириш юзасидан жорий йилнинг 20 октябрь куни Конимех туман ҳокимлиги ҳамда туман Маънавият ва маърифат бўлинмаси томонидан туман Халқ таълимига қарашли 1-2 мактабларида тарғибот тадбири ўтказилди.

Тадбирда Диний Қўмитанинг Конимех тумани бўйича бош мутахассиси Б.Тагаев, туман Маънавият ва маърифат бўлинмаси раҳбари Н.Таштемиров, “Мих ота” жомеъ масжиди бош имом хатиби Р.Яндашевлар иштирок этиб, диний экстремизм, терроризмга қарши кураш, бу ғояларни жамиятга, келажакка бўлган салбий таъсири ҳақида тушунтиришлар бериб ўтилди. Профилактик тарғибот тадбир сўнггида “Чиркин ғоялар гирдоби” номли видеоролик намойиш этилди.

Дунёдаги ҳар бир миллат ва элат ўзининг миллий спортини жаҳонга олиб чиқиш ва энг нуфузли Олимпия ўйинлари дастурига киритишга интилади. 2020 йил 4 ноябрда имзоланган Ўзбекистон Республикаси Президентининг «Кураш миллий спорт турини ривожлантириш ва унинг халқаро нуфузини янада ошириш чора-тадбирлари тўғрисида»ги Қарорида Кураш спорт турини Олимпия ўйинлари дастурига киритиш вазифаси қўйилган.

Шунингдек, Қарорда аҳолининг барча қатламларини кураш билан шуғулланишга кенг жалб қилиш ҳамда Ўзбекистонда курашни умумхалқ спорт турига айлантириш, кураш билан шуғулланиш учун зарур моддий-техник база ва инфратузилмани шакллантириш каби муҳим вазифалар белгиланган.

Қолаверса, Ўзбек кураши брендини яратиш, инвестицияларни жалб этган ҳолда яктак спорт кийимлари ва кураш гиламларини ишлаб чиқариш, курашни тижоратлаштириш чоралари кўрилиши ҳам баён этилган.

Жумладан,  Навоий вилоятида ҳам Кураш миллий спорт турини ривожлантириш бўйича бир қатор ишлар амалга оширилмоқда.

Бунга мисол куни кеча Навоий шаҳридаги Кураш мактабида спортнинг Кураш тури бўйича 250 нафарга яқин 2008-2009-2010 йилларда туғилган ўғил-қизлар ўртасида вилоят биринчилиги ўтказилди.

Мусобақа аввалида сўз олган вилоят Кураш федерацияси ижрочи директори Мамадали Норов ҳамда Конимех  тумани  Кураш  федерацияси  туман бўлими  ижрочиси Йўлчи Жабборов мусобақа иштирокчиларига зафарлар тилаб, бугунги кун эртанги кун учун забт этилиши лозим бўлган марра эканлиги, шунингдек ёшларимиз келгусида жаҳон биринчиликларида, олимпия ўйинларида юртимиз байроғини энг юқори чуққиларга кўтаришларига ишонишини билдириб ўтдилар.

Рақибига муросасиз кураш таклиф қилган  ҳолда конимехлик ёшлар чемпионлик учун курашиш мақсадида ўз вазн тоифаларида майдонга чиқиб келишди. Шиддатли кечган курашларда ўзининг алоҳида эпчиллиги ва тезкорлиги билан ажралиб турган Бердиев Нурмухаммад 60 кг 1-ўрин, Файзуллаев Баходир 52 кг 2-ўрин, Нематов Сардор 48 кг 3-ўрин, Қурбонов Бехруз 33 кг 3-ўринни  хақли равишда ўз вазн тоифасида чемпион деб топилдилар.

Мусобақа якунларига кўра ўз вазн йўналишларида 11 та 1-ўрин, 11 та 2-ўрин ва 22 та 3-ўрин эгалари Вилоят Кураш федерациясининг қимматбаҳо эсдалик совғалари билан тақдирландилар.

Мусобақа ғолибларига келгуси чемпионтларда фақат ғалабалар қозониб, юртимиз байроғини янада юқори кўтаришларини тилаб қоламиз.

Конимех тумани ҳокимлиги Ахборот хизмати.

🔰Жорий йилнинг 15 октябрь куни тумандаги 1-сонли умумтаълим мактаби биносида, “Туман худудида ўқувчи-талабалар орасида гуёвхвандлик воситаларининг тарқалишига қарши кўрашиш” мавзусида Касб-хунар мактаби талабалари, мактабларнинг юқори синф ўқувчилари ва уюшмаган ёшларга мотиватцион дарслар ташкил этилиб, тарғибот-ташвиқот учрашуви ўтказилди.

🔹Учрашувда Ёшлар ишлари Агентлиги Конимех туман бўлими бошлиғининг беш ташаббусни мувофиқлаштириш бўйича бош мутахасиси М.Насриддинов,

туман ИИБ ХПБ ВЕ ЁУХПТЭГ катта инспектори капитан Р.Умаров иштирок этишиб, ёшларга гиёхвандликнинг салбий оқибатлари ҳамда ёшлар ўртасида ҳуқуқбузарликнинг олдини олиш ҳақида тушунтирилди.

🔹Тадбир савол- жавоблар асосида ташкил этилиб, ёшлар учун керакли ва зарур бўлган тавсиялар берилди.

Конимех тумани ҳокимлиги матбуот хизмати.