Yanvar 29, 2022

Янги Ўзбекистоннинг тараққиёт стратегияси ва уни “Инсон қадрини улуғлаш ва фаол маҳалла йили”да амалга оширишга оид давлат дастури тасдиқланди.

 “2022–2026 йилларга мўлжалланган Янги Ўзбекистоннинг тараққиёт стратегияси тўғрисида”ги Президент Фармони қабул қилинди.

Фармонбилан “Ҳаракатлар стратегиясидан – Тараққиёт стратегияси сари” тамойили асосида ишлаб чиқилган 2022–2026 йилларга мўлжалланган Янги Ўзбекистоннинг тараққиёт стратегияси ва уни “Инсон қадрини улуғлаш ва фаол маҳалла йили”да амалга оширишга оид давлат дастури тасдиқланди.

2026 йилгача эҳтиёжманд аҳоли ижтимоий нафақа ва моддий ёрдам билан тўлиқ қамраб олинади.

2022 йил 1 апрелдан Қорақалпоғистон Республикаси ва Хоразм вилоятида 1-4-синф ўқувчилари бепул овқат (нонушта ёки тушлик) билан таъминланади.

2023 йил 1 январдан пенсияни ҳисоб-китоб қилишда ишҳақининг максимал миқдори пенсияни ҳисоблаш базавий миқдорининг 10 баробаридан 12 баробаригача оширилади.

Дастурга мувофиқ, иқтисодиёт барқарорлигини таъминлаш доирасида:

2022 йилда инфляцияни 9 фоизгачава 2023 йилда 5 фоизва фискал тақчилликни 3 фоизгача пасайтириш чоралари кўрилади.

2026 йил якунигача банк активларида хусусий сектор улуши 60 фоизгача чиқарилади.

2023 йилдан қўшилган қиймат солиғи 12 фоизгачава банк, молия ва телекоммуникация каби тадбиркорлик учун фойда солиғи 15 фоизгача туширилади.

2026 йилгача энергия самарадорлиги 20 фоизга оширилади ва ҳавога чиқариладиган зарарли газлар 10 фоизга қисқартирилади.

Шароити “оғир” бўлган ҳудудларда 2025 йил 1 январгача янги тадбиркорлар учун айланмадан олинадиган солиқ 1 фоиз, ер солиғи, мол-мулксолиғи ҳисобланган суммадан 1 фоиз ставкада тўлаш тизими жорий этилади.

2025 йил 1 июлдан тадбиркорликка оид барча мажбурий талаблар ягона электрон реестриишга туширилади.

2022 йил 1 апрелгача лицензия ва бошқа рухсат этувчи ҳужжатларни олиш соддалаштирилади.

Жумладан, муайян фаолият билан кўчма тартибда, автотранспорт орқали шуғулланиш имконияти яратилади.

25 дан ортиқ фаолият тури бўйича монополиялар (суюлтирилган газ етказиш, нефть маҳсулотларини сақлаш ва бошқалар) тугатилади.

Дастургакўра, 2022 йилда, Давлат хизматларини ривожлантириш мақсадида:

-ҳужжатларни бериш ва алмаштиришда, ўзаро боғлиқ давлат хизматларини мурожаатни кутмасдан таклиф этиш амалиёти йўлга қўйилади;

-“Фуқароларнинг рақамли паспорти” лойиҳаси орқали туғилганлик тўғрисида ва ҳайдовчилик гувоҳномалари, шаҳодатнома ва диплом каби ҳужжатларни талаб қилиш бекор қилинади;

-кекса ва ногиронларга давлат хизматларини кўрсатиш соддалаштирилади.

Қонунустуворлигини таъминлаш доирасида:

-ижтимоий ҳимояга муҳтож фуқароларга фуқаролик ва маъмурий ишлар бўйича ҳам давлат ҳисобидан бепул юридик ёрдам кўрсатиш тартиби жорий этилади;

-қарори, ҳаракати ноқонуний эмаслигини маъмурий судда исботлаш мажбурияти, уни қабул қилган мансабдор шахснинг ўзига юклаш тартиби жорий этилади;

-ҳаракатланиш эркинлиги чекланган шахсларни ҳисобга олиш бўйича ягона онлайн электрон реестр юритилади.

Шунингдек, жазони ўтаб бўлган фуқароларга “дастлабкиижтимоий-моддий ёрдам пакети”ни бериш жорий қилинади.

Ушбу тизимда тадбиркорлик, меъморчилик, ҳунардмандчилик бўйича аниқ лойиҳалари бор шахсларга бир марталик моддий ёрдам берилади.

Дастурга кўра, таълим сифатини ошириш ҳамда аҳоли саломатлигини таъминлаш доирасида 2022 йилда:

-1 апрелдан нодавлат мактабгача таълим ташкилотлари ва мактабларга (Тошкент, Нукус шаҳарлари ва вилоят марказларидан ташқари) фарзандларини юбораётган ота-оналарнинг 3 миллион сўмгача бўлган тўловлари даромад солиғидан озод этилади;

-дарсликларни янгилашу чун 605 млрд сўм ажратилади;

-141 мингта янги ўқув ўринлари яратилиб уларнинг сони 2026 йил якунига қадар 6,4 миллионгача етказилади;

-105 та оилавий шифокор пункти ва 31 та оилавий поликлиника ташкил этилади;

-хусусий тиббиёт ташкилотларида Давлат бюджети ҳисобидан имтиёзли тоифагадаги шахсларга бепул тиббий хизматлар кўрсатиш механизми жорий қилинади.

2022 йил 1 июлгача:

-2022 йилда иқтидорли ўқитувчи ва шифокорларнинг иш ҳақлари малака тоифасига қараб табақалаштирилган ҳолда оширилади;

-халқаро экспертлар иштирокида ўқитувчи ва шифокорларга малака тоифаларини бериш тартиби тубдан қайта кўриб чиқилади.

2022 йил 1 июлдан “оилавийшифокор” йўналиши бўйича мустақил фаолият амалга оширишга рухсат берилади.

Конимех туман адлия бўлими

Yanvar 29, 2022

Маълумки, Ўзбекистон Республикаси Президенти Шавкат Мирзиёев таъкидлаганидек Халқ давлат органларига эмас, балки давлат органлари халқимизга хизмат қилиши керак.

Бу элпарвар тамойил давлатимиз сиёсатининг устувор йўналиши этиб белгиланган. 2016 йил 28 декабрда жисмоний ва юридик шахсларнинг мурожаатлари билан ишлаш бўйича Президент фармони қабул қилинди.

Жойларда барча даражадаги раҳбарлар билан жонли мулоқотлар ва сайёр қабуллар йўлга қўйилгани одамларда муаммоларини ҳал қилиш мумкинлигига катта умид ва ишонч уйғотди. Давлат идоралари қуйи тизимга тушиб, аҳоли эҳтиёжлари ва талаблари асосида ишлашни бошлади.

Шунга монанд равишда вилоят прокурори Б.Аҳмедов Конимех туманига ташриф буюриб, “Юксалиш” МФЙдаги 12-сонли умумтаълим биносида сайёр қабул ўтказди.

Қабулда Олий Мажлис Қонунчилик палатаси депутати Ақшагул Тулегенова ҳам иштирок этиб, аҳолига ўзининг кўрсатма ва тавсиялари билан ўртоқлашди.

Қабулда 20 нафардан ортиқ фуқароларнинг мурожаатлари тингланиб, шундан 15 таси қаноатлантирилди, ўрганиш вақт талаб қиладиган мурожаатларни ҳал қилиниши назоратга олиниб, фуқаролар томонидан билдирилган 5 та мурожаатлар бўйича чора-тадбирлар белгиланиб, кўриб чиқилиши бўйича масъул корхона ва ташкилот раҳбарлари масъул этиб белгиланди.

Сайёр қабул сўнггида ижтимоий ҳимояга муҳтож фуқароларнинг ҳолидан хабар олинди.

Конимех туман ҳокимлиги ахборот хизмати.

Yanvar 28, 2022

– biometrik pasport o‘rniga joriy etilayotgan identifikatsiya ID-kartalarini olish va almashtirish uchun fuqarolarga istalgan ichki ishlar organlarining migratsiya va fuqarolikni rasmiylashtirish bo‘linmalariga, ularni almashtirish uchun esa davlat xizmatlari markazlariga ham murojaat qilish imkoniyati yaratiladi;

– identifikatsiya ID-kartalarini olish uchun O‘zbekistonda doimiy yashovchi chet el fuqarolari va fuqaroligi bo‘lmagan shaxslar doimiy yashash joyidagi ichki ishlar organining migratsiya va fuqarolikni rasmiylashtirish bo‘linmasiga, almashtirish uchun esa istalgan ichki ishlar organlarining migratsiya va fuqarolikni rasmiylashtirish bo‘linmalariga murojaat qilishi uchun imkoniyatni yaratiladi;

– identifikatsiya ID-kartasining blankasida egasining millati haqidagi ma’lumotlar ko‘rsatilmasdan ID-kartaning chipiga kiritiladi;

– fuqaro o‘z ID-kartasini olish yoki almashtirish yuzasidan o‘z vaqtida murojaat qilmagan, yaroqsiz holga keltirgan va yo‘qotib qo‘ygan taqdirda, ma’muriy javobgarlikka tortilmaydi;

  • yangi tug‘ilgan bolaga identifikatsiya ID-kartalari majburiy berilmasdan, uning tug‘ilishi FHDYo organi tomonidan qayd etilib, tug‘ilganlik haqidagi guvohnoma taqdim qilinganidan so‘ng ota-onasi, vasiylari (homiylari) ixtiyoriga ko‘ra rasmiylashtiriladi.

Shu va boshqa masalalar yuzasidan Konimex tuman migratsiya va fuqarolikni rasmiylashtirish bo‘linmasi tomonidan targ‘ibot va tushutirish ishlari olib borilmoqda.

Yanvar 28, 2022
  1. Жисмоний шахсларга ўзини ўзи банд қилган шахс сифатида ўз хонадонида балиқ етиштиришни йўлга қўйишга рухсат берилади.

2022 йил 1 февралдан 2025 йил 1 январга қадар балиқчиликни интенсивлаштириш учун зарур бўлган асбоб-ускуналар ва технологиялар (аэратор, бассейн, автокормушка, УЗВ) ҳамда қайта ишлаш ускуналарини ишлаб чиқаришни йўлга қўйган, бироқ даромадининг 80 фоизидан ортиғини ушбу ускуналарни ишлаб чиқаришдан оладиган субъектлар учун:

-фойда солиғи (тижорат банкларида жойлаштирилган маблағлардан олинган фоизлардан ташқари);

-юридик шахслардан олинадиган ер солиғи;

-юридик шахсларнинг мол-мулк солиғи ва сув ресурсларидан фойдаланганлик учун солиқ ставкалари 50 фоизга камайтирилади.

  1. Етим болалар ва ота-она қарамоғидан маҳрум бўлган болалар электрон тизим орқали аниқланади.

Ҳукуматниг 26-сон қарорига асосан “Меҳр дафтари”га киритилган етим болалар ва ота-она қарамоғидан маҳрум бўлган болаларга оид маълумотларни “Электрон ҳукумат” тизими идоралараро интеграциялашув платформаси орқали аниқланади.

  1. 3. Коррупцияга қарши курашиш ишларининг самарадорлигини рейтинг баҳолаш тизими жорий этилади.

Ўзбекистон Республикаси Президентининг ПҚ-81-сон қарорига кўра,       2022 йил 1 февралдан бошлаб коррупцияга қарши курашиш ишларининг самарадорлигини рейтинг баҳолаш тизими, эксперимент тариқасида, тегишли рўйхатда келтирилган ва ўз фаолиятида коррупцияга қарши менежмент тизимини жорий этаётган давлат ташкилотлари фаолиятига жорий этилади.

  1. Янги ҳоким ўринбосари лавозими жорий этилади.

Ўзбекистон Республикаси Президентининг ПҚ-76-сон қарорига кўра,        2022 йил 1 февралдан бошлаб: вилоятлар ва туманлар (шаҳарлар) ҳокимларининг капитал қурилиш, коммуникациялар ва коммунал хўжалик масалалари бўйича ўринбосари лавозими тугатилиб, қурилиш, коммуникациялар, коммунал хўжалик, экология ва кўкаламзорлаштириш масалалари бўйича ўринбосари лавозими жорий қилинади.

Шунингдек, Президент қарорида Тошкент шаҳри ва унинг туманлари ҳокимларининг архитектура, капитал қурилиш, коммуникацияларни ривожлантириш масалалари бўйича биринчи ўринбосари лавозими тугатилиб, қурилиш, коммуникацияларни ривожлантириш, экология ва кўкаламзорлаштириш масалалари бўйича биринчи ўринбосари лавозими киритилиши белгиланган.

  Конимех туман адлия бўлими

Yanvar 28, 2022

Маълумки, 2023 йил 1-25 ноябр кунлари Республикамизда аҳолини рўйхатга олиш тадбири ўтказилади. Аҳолини рўйхатга олишни ўтказишнинг ташкилий режаси Навоий вилояти ҳудудий комиссияси томонидан туманлар (шаҳарлар) бўйича алоҳида тузилади.

Рўйхатга олиш участкаларининг чегаралари ҳар бир рўйхатга олиш участкасига тўғри келадиган юкламани (қишлоқ жойларда ўртача 8 750 киши ва шаҳарларда ўртача 11 250 киши) ҳисобга олган ҳолда маъмурий-ҳудудий бўлиниш яхлитлигини (туман ёки шаҳар даражасида) сақлаш шарти билан белгиланади.

Рўйхатга олиш участкалари ҳар бир инструкторга тўғри келадиган юкламани (қишлоқ жойларда ўртача 1 750 киши ва шаҳарларда ўртача 2 250 киши) ва аҳоли пунктидаги аҳоли зичлигини ҳисобга олган ҳолда инструкторлик участкаларига бўлинади.

Инструкторлик участкалари ҳар бир рўйхатга олувчига тўғри келадиган юкламадан (қишлоқ жойларда ўртача 350 киши ва шаҳарларда ўртача 450 киши) келиб чиқиб ҳисоб участкаларига бўлинади.

Ҳудудий комиссиялар ва республика комиссияси қарорига асосан бориш қийин бўлган ва олис ҳудудларда ҳисоб участкасидаги аҳолининг сони ўртача 250 нафардан иборат бўлиши мезон сифатида олинади.

Айрим ҳолларда участкаларни тузишда рўйхатга олувчига тўғри келадиган ўртача юклама белгиланган нормалардан кам ёки кўп бўлиши мумкин.

Ҳисоб участкаси, инструкторлик ва рўйхатга олиш участкалари сонидан келиб чиқиб рўйхатга олиш жараёнларига вақтинча жалб этиладиган ходимлар сони аниқланади.

Шунингдек, рўйхатга олишга тайёргарлик кўриш жараёнида вилоят ҳудуди шартли равишда уй-жой рўйхатини тузиш участкаларига бўлинади, бунда участка чегаралари ўртача 750 та уй-жойни қамраб олади.

Ҳар бир уй-жой рўйхатини тузиш участкаларига уй-жой рўйхатини тузувчилар бириктирилади. Уй-жой рўйхатини тузувчилар фаолиятини туман рўйхатга олиш бўлими бошлиғи назорат қилади.

Уй-жойлар рўйхатини тузувчилар 2022 йил 1 августдан 1 сентябргача бўлган даврда махсус ўқитилади ҳамда бино ва уй-жойлар рўйхатини тузиш учун жалб этилади.

Ташкилий режани тузишда кўзда тутилмаган ҳолатларни (бетоблик, бахтсиз ҳодисалар, юклатилган вазифаларни тўлиқ бажармаслик ва бошқалар) ҳисобга олган ҳолда ҳисоб участкаси, инструкторлик ва рўйхатга олиш участкаларига вақтинча жалб этиладиган ходимлар умумий сонининг 10 (ўн) фоизи миқдорида иш ҳақи тўланмаган ҳолда кадрлар захираси шакллантирилади.

Кўзда тутилмаган ҳолатлар юзага келганда рўйхатга олиш жараёнларига захирадан жалб этилган ходимларга белгиланган тартибда иш ҳақи тўланади.

Туман статистика бўлими

Yanvar 24, 2022

Давлатимиз раҳбари томонидан маҳаллий ҳокимликларга ва барча давлат идораларига аҳоли мурожаатлари билан ишлашнинг янгича  усулида фаолият олиб бориш бўйича берилган кўрсатма асосида Конимех туманида ҳам тизимли ишлар йўлга қўйилган. Жумладан, туман ҳокимининг режали қабулларидан ташқари, туман ҳокими ва тегишли мутасатдиларнинг жойларга чиқиб аҳоли муаммоларини ўрганиш жараёнлари ҳам олиб борилмоқда.

Бугун эрта тонгдан иш фаолиятини бошлаган туман ҳокими М.Эгамқулов “Тўққиз тепа” маҳалласида  амалга оширилаётган ишлар билан яқиндан танишди.

Даставвал  шу маҳалла биносида “Жазира Балнур Алнур” оилавий корхонаси томонидан ташкил этилган тадбиркор аёллар жамоаси билан учрашди. Бу ерда “Аёллар дафтари”га киритилган хотин-қизлар тукувчилик, эркаклар ва аёллар салони фаолияти билан шуғилланишса, яна патир, чучвара, лағмон, ҳар-хил турлари сомсалар пиширилиб етказиб бериш хизмати ҳам йўлга қўйилганлигини кўрган  туман ҳокими ҳайратини яширмади ва яна қўшимча жиҳозлар олиб беришни ваъда қилди.

Шундан сўнг  маҳалланинг ички йўлларига шағал қопламалари ётқизиш жараёни билан танишган туман раҳбари  маҳаллабай йўналишда ижро этилиши белгиланган вазифаларни муддати ва сифатли ташкил этиш, газ, сув, электр ва бошқа режа асосида бажариладиган ишларнинг амалга оширилишида МФЙ раҳбарияти, ҳоким ёрдамчиси фаол бўлиши, ҳар бир хонадон эгаси ҳам ўз уйларининг ташқи ва ички ҳудудларини тартибга келтириш кераклиги хусусида тегишли кўрсатма ва топшириқлар берди.

Шунингдек, янги тайинланган ҳоким ёрдамчиси билан суҳбат қилиб, айни вақтда ишсиз бўлган 88 нафар фуқароларнинг бандлигини таъминлаш ҳамда аҳоли даромадларини ошириш борасидаги режалари билан танишди.

– Маҳалланинг асосий драйвери чорвачилик ҳисобланади. Айни вақтда аҳолининг 70 фоиз қисмини хатловдан ўтказдик ва шу билан бирга уларнинг бандлигини таъминлаш дастурини ишлаб чиқмоқдамиз, – дейди ҳоким ёрдамчиси Хусан Раҳмонкулов.

Туман ҳокими хонадонларни кўздан кечирар экан, маҳаллада паррандачилик, чорвачилик  ҳамда иссиқхоналарни ривожлантиришга алоҳида эътибор қаратиш лозимлигини таъкидлади. Бунинг учун, аввало, ушбу йўналишда намунали иш ташкил қилинган маҳаллалар тажрибасини ўрганиш бўйича ҳоким ёрдамчиси ва маъсулларга вазифа юклади.

Конимех тумани ҳокимлиги матбуот ҳизмати.

Yanvar 22, 2022

Аҳоли ҳаётининг ичига кириб бориш, фуқароларнинг яшаш шароити, турмуш тарзини изчил ўрганиш, уларни қийнаётган муаммоларга ечим топиш, мурожаатларини чуқур таҳлилий асосда ўрганиб, масалани жойида ижобий ҳал этиш чораларини кўриш асосида халқимиз фаровонлигини янада ошириш мумкинлигини кейинги беш йилликда муҳтарам юртбошимиз бошчилигида олиб борилаётган оқилона ислоҳатлар натижаларидан эканлигигининг шоҳиди бўлаяпмиз. “Халқ давлат идораларига эмас, давлат идоралари халққа хизмат қилиши керак”, деган тамойил асосида ташкил этилаётган муҳим чора-тадбирлар қисқа фурсат ичида ўзининг ижобий натижасини кўрсатмоқда.

Бугун ваколатли идораларга ўз муаммоларини, ўзини қийнаётган ва ечимини кутаётган масалаларини баён этиб, мурожаат билан чиққан ҳар битта фуқаронинг аризаси эътиборда. Қилинган ҳеч бир мурожаат қоғозда бесамар қолиб кетмайди.

Бугун туман ҳокими М.Эгамқулов мутасадди ташкилотлар раҳбарлари билан биргаликда аҳоли хонадонларига ташриф буюриб, ўрганишларни юзма юз олиб борганлиги ҳам фикримизнинг исботидир. Мурожаатлар юзасидан ўрганиш олиб борган туман ҳокими дастлаб “Бирлик” маҳалла фуқоролар йиғини Нурафшон кўчасида  яшовчи ёш оилалар фуқаро Алмуратов Талғат ва Мусаева Гулбазарнинг хонадонига ташриф буюрди.

Ўрганишлар натижасида фуқароларнинг муаммолари жойида  ҳал этилиб иситиш тизимига улаб берилди ва тез фурсат ичида кўчаларни таъмирлаб ёритиш ишларини охирига етказиш бўйича мутасатдиларга топшириқ берилди.

 

https://t.me/konimex_tumani_axborot_xizmati

Yanvar 20, 2022

 Ўзбекистонда 2022 йил 1 январдан аҳоли ва тадбиркорлардан 15 турдаги ҳужжат ва маълумотларни сўраш тартиби бекор қилинди. Бу борадаги «Давлат хизматларини кўрсатиш инфратузилмасини такомиллаштириш ва аҳолининг давлат хизматларидан фойдаланиш имкониятларини кенгайтириш чора-тадбирлари тўғрисида»ги президент фармони 2021 йилнинг июлида имзоланган эди.

Ҳужжатга кўра, 2022 йил 1 январдан бошлаб давлат органлари томонидан аҳолидан, шу жумладан, тадбиркорлик субъектларидан айрим ҳужжат ва маълумотларни талаб қилиш тартиби бекор қилинди.

Қуйидаги ҳужжатларни:

-молиявий ҳисоботлар нусхалари;

-жисмоний шахсларнинг охирги 12 ойдаги иш ҳақини тасдиқловчи маълумотномалар;

-ижтимоий нафақа ва пенсиялар тўланганлиги тўғрисидаги маълумотномаларни сўраш бекор бўлади.

Қуйидаги фактларни тасдиқловчи маълумотларни:

-тадбиркорлик субъекти давлат рўйхатидан ўтказилганлиги тўғрисидаги гувоҳнома маълумотлари;

-лицензия, рухсат этиш хусусиятига эга ҳужжатлар ва хабарномалар қабул қилинганлиги тўғрисида тасдиқнома мавжудлиги бўйича маълумотлар;

-давлат божи, йиғимлар ва бошқа тўловлар тўланганлиги тўғрисида маълумотлар;

-қимматли қоғозлар, қимматли қоғозлар билан амалга оширилган операциялар, дивидендлар олинганлиги тўғрисидаги маълумотлар;

-кам таъминланган оила ёки оила аъзоси сифатида рўйхатга олинганлиги тўғрисида маълумотлар;

-жисмоний шахслар томонидан тўланган ва олинган алиментлар тўғрисида маълумотлар;

-олий маълумот тўғрисидаги диплом маълумотлари;

-жисмоний шахс ўрта махсус, касб-ҳунар таълими муассасасини тугатганлиги ҳақида маълумотлар;

-жисмоний шахс умумий ўрта таълим (11-синф негизида) муассасасини тугатганлиги ҳақида маълумотлар;

-фуқаро «ёшлар дафтари» ёки «аёллар дафтари»да мавжудлиги тўғрисида маълумотлар;

-ўзини ўзи банд қилган шахслар тўғрисида маълумотлар;

-олий таълим муассасаларига ўқишга кириш учун имтиёзга эга бўлган абитуриентларнинг имтиёз ҳуқуқини тасдиқловчи ҳужжат тўғрисида маълумотларни талаб қилиш бекор қилинади.

Бунда давлат органлари ва ташкилотлари жисмоний шахсларга давлат хизматларини кўрсатишда, ишга қабул қилиш жараёнида ва бошқа маъмурий тартиб-таомилларни амалга оширишда юқоридаги ҳужжат ва маълумотларни белгиланган масъул давлат органлари ва ташкилотларидан мустақил равишда «Электрон ҳукумат» тизими идоралараро интеграциялашув платформаси орқали сўраб олади.

Yanvar 20, 2022

Президентнинг тегишли қарорига биноан, ҳар бир шаҳарча, қишлоқ, овулда, шунингдек, шаҳарлар, шаҳарчалар, қишлоқлар ҳамда овуллардаги ҳар бир маҳаллада ёшлар етакчиси лавозими жорий этилди.

Етакчининг ойлик иш ҳақи миқдори у бириктирилган маҳалладаги хонадонлар сонига мутаносиб равишда қуйидагича белгиланди:

-хонадонлар сони 500 тагача бўлган маҳаллада – меҳнатга ҳақ тўлашнинг энг кам миқдорининг 5 баравари миқдорида (бугунги кунда 4 млн 110 минг сўм);

-хонадонлар сони 501 тадан 1 000 тагача бўлган маҳаллада – МҲТЭКМнинг 5,5 баравари миқдорида (бугунги кунда 4 млн 521 минг сўм);

-хонадонлар сони 1 000 тадан ортиқ бўлган маҳаллада – МҲТЭКМнинг 6 баравари миқдорида (бугунги кунда 4 млн 932 минг сўм).

Ёшлар ишлари агентлигига Eтакчиларни ҳар чорак якуни бўйича ойлик иш ҳақининг 50 фоизигача миқдорда мукофотлаш ҳуқуқи берилди.

Ҳар чоракда юқори натижадорликка эришаётган мамлакат бўйича энг илғор 100 нафар Етакчилар 1 ойлик иш ҳақига тенг миқдорда бир марталик пул мукофоти билан тақдирланади.

Бошқа ҳудудлардан келиб ўз фаолиятини олиб бораётган Етакчи учун базавий ҳисоблаш миқдорининг 2 бараваригача (540 минг сўм) бўлган миқдорда турар жой ижара тўлови қоплаб берилади.

Йил якуни бўйича ўзига бириктирилган ҳудудда юқори натижаларга эришган Етакчиларга уй-жой олиш учун субсидия берилади.

Етакчи лавозимига ишга қабул қилинган шахсларнинг ҳарбий ва махсус унвонлари сақлаб қолинади.

Ушбу етакчиларнинг штат бирликлари умумий ўрта таълим мактабларидаги 10 минг нафар ёшлар етакчилари штат бирликларини қисқартириш ҳисобидан шакллантирилади.

Бандлик ва меҳнат муносабатлари вазирлиги Ўзбекистон касаба уюшмалари Федерацияси Кенгаши, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда штат бирликлари қисқартирилган ходимларнинг иш билан таъминланиши чораларини кўради.

 

Конимех туман адлия бўлими.

Yanvar 18, 2022

O‘zbekiston Respublikasi Prezidentining PQ-57-sonli hamda O‘zbekiston Respublikasi Vazirlar Mahkamasining  769-sonli qarorlari va Nogironligi bo‘lgan shaxslar ishlari bo‘yicha idoralararo kengashining 2021-yil 30-dekabrdagi 1-son yig‘ilish bayoni ijrosini ta’minlash maqsadida Konimex tumanida 16 yoshdan katta nogironligi bo‘lgan shaxslarni xatlovdan o‘tkazish ishlari olib borilmoqda

Nogironligi bo‘lgan shaxslarni mahallabay xatlovdan o‘tkazish ishlarini muvofiqlashtiruvchi Konimex tuman ishchi guruhi, O‘zbekiston Respublikasi Prezidentinig “Nogironligi bo‘lgan shaxslarni har tomonlama qo‘llab-quvvatlash, ularning bandligiga ko‘maklashish hamda  ijtimoiy faolligini yanada oshirishga bo‘yicha amalga oshirilgan ishlar yuzasidan Konimex  tumani bo‘yicha 16 yoshdan katta nogironligi bo‘lgan shaxslar 1006 nafarni tashkil qiladi. Ushbu nogironligi bo‘lgan shaxslarni xatlovdan o‘tkazish bo‘yicha tumanda nogironligi bo‘lgan shaxslarni mahallabay xatlovdan o‘tkazish ishlarini muvofiqlashtiruvchi ishchi guruh va mahallabay xatlov guruhlari tuzilib, belgilangan tartibda tasdiqlandi.

16 yoshdan katta nogironligi bo‘lgan shaxslarni mahallabay ishlash tizimi orqali xatlovdan o‘tkazish tashkil etilib, 1100 dona savolnomalar hamda 20 dona uslubiy qo‘llanmalar chop ettirildi va xatlov guruhi a’zolariga tarqatildi.

Konimex tumanida 2022-yil 12-yanvardan 16 yoshdan katta nogironligi bo‘lgan shaxslarni mahallabay uylariga kirib xatlovdan o‘tkazish ishlari joriy yilning 12- yanvaridan boshlangan.

Xozirgi kunga qadar jami xatlovdan o‘tgan  593 nafar 16 yoshdan katta nogironligi bo‘lgan shaxslar xatlovdan o‘tkazildi va xatlovdan o‘tkaziladigan 16 yoshdan katta nogironligi bo‘lgan shaxslar sonining 58,94% ni tashkil etmoqda.

https://t.me/konimex_tumani_axborot_xizmati

Spelling error report

The following text will be sent to our editors: