Monthly Archives: Iyun 2021

Маълумки шу кунларда бободеҳқонларимиз ризқ-рўзимиз ва миллий бойлигимиз ҳисобланган ғалла йиғим-теримида ҳам мўл ҳосил етиштириб давлатимиз хирмонига муносиб улуш қўшмоқдалар. Жумладан конимехлик деҳқонларимиз айни чоғда вилоятда пешқадамлар сафида ғалланинг бир мисқолини ҳам нест-нобид қилмасдан йиғиб олиб халқимиз олдида юзлари ёруғ бўлмоқда. Ғалладан бўшаган майдонларда эса, фермер хўжаликлари томонидан дуккакли ва полиз экинларини экиш ишларига киришишди. Эътиборли жиҳати шундаки, маҳаллий фермерлар ўзлари истиқомат килаётган маҳаллаларда яшовчи олти нафардан кам таъминланган ва эҳтиёжманд оилаларни ўзлари оталиққа олган ҳолда беғараз ҳомийлик сифатида 50 сотоҳдан ғалладан бўшаган ерларга дуккакли ва полиз экинларини экиб бермоқдалар. Бу эса эҳтиёжманд оилалар бандлигини таъминлаш билан бир қаторда уларнинг моддий манфаатдорлигини оширишга ҳам хизмат қилмоқда.

Туманда 2021 йил ғалла ўриш мавсумини нес-нобуд қилмасдан йиғиб олиш ишларини самарали ташкил этиш, дон ўриш комбайнларини мавсумга тайёрлаш, уларни техник кўрикдан ўтказиш ва қабул қилиш ҳамда ғалла ўриш мавсумида бажариладиган ишларнинг ҳисоб-китоб тизимини йўлга қўйиш бўйича комплекс чора-тадбирлар белгилаб олинган.

Давлат эҳтиёжлари учун “Сарой уни” МЧЖ билан 35 та фермер хўжаликлари ўртасида жами 3977 тонна ғалла етиштириб бериш бўйича шартномалар имзоланган бўлиб, (давлат эҳтиёжлари учун 3332 тонна, кластер корхонаси учун 645 тонна.)

Хусусан, 2021 йил ҳосили учун экилган бошоқли дон экинларини ўрим-йиғим мавсумини ташкил қилиш туман Штаби тузилиб, уларнинг вазифалари ва жавобгарлиги белгиланган.

Жорий йилда тумандаги ғалла ҳосилини ўриб-йиғиб олиш ишларини тизимли ташкил этиш мақсадида 4 та отряд ташкил этилиб, уларга 4 та  комбайнлар ИИБ ҳодимларидан масъуллар бириктирилиб, ташкил этилган отрядларни талаб этиладиган ёқилғи мойлаш ҳамда бошқа турдаги эҳтиёт қисмлар билан ўз вақтида таъминлаш мақсадида 1 та кўчма устахона ва 2 та ёқилғи ташиш мобил гуруҳлари ташкил этилган.

Ҳозирги вақтда давлатга дон сотиш контрактация шартномаси 1152 тонна ёки 34,6 фоизга бажарилиб, ўрим ишлари жадал давом эттирилмоқда.

Ғалладан бўшаган майдонларга такрорий қишлоқ хўжалиги экинларини экиш 1020 гектар ер майдонларга режалаштирилган бўлиб, Шундан сабзавот (сабзи,шалғом,турп)-10 гектар, полиз(тарвуз)-10 гектар дуккакли(мош)-346 гектар, мойли (кунгабоқар)-400 гектар, тариқ-254 гектар

Бугунги кунда туман буйича 22 гектар тариқ яъни (2,2%) майдонга такрорий экинлари экилди

Конимех туман ҳокимлиги матбуот хизмати.

 Сессияни – Конимех туман ҳокими М.Эгамқулов бошқариб борди.

Сессия ишида дастлаб Ўзбекистон Республикасининг “Кўп квартирали уйларни бошқариш тўғрисида”ги Қонуни, шунингдек жорий йилнинг 28 май куни Ўзбекистон Республикаси Президенти Ш.М.Мирзиёев раислигида “Ҳудудларда ипотека дастурларини амалга ошириш, кўп квартирали уй-жойлар массивларини барпо этиш, уларни инфратузилма билан таъминлаш ҳамда хизмат кўрсатиш тизимини такомиллаштириш чора-тадбирлари”га бағишланган кенгайтирилган видеоселектор йиғилиши ҳамда

Давлатимиз раҳбари томонидан кўп квартирали уй-жойларни бошқариш тизимини ислоҳ қилиш, соҳада чет-эл тажрибасини жорий этиш, кўп квартирали уй-жойларни бошқариш бўйича Тошкент шаҳар Юнусобод тумани тажрибасини вилоятларда, эксперемент тариқасида амалиётга жорий этиш бўйича бир қатор топшириқ ва кўрсатмалар берилган.

Юқоридагилардан келиб чиқиб, Конимех туманида коммунал соҳада амалга оширилаётган ишлар аҳволини яхшилаш, масъулиятини ошириш, шунингдек бу борада тегишли соҳаларнинг ишларини янада кучайтириш, уюшган ва тизимли механизм асосида ташкил қилиш мақсадида Конимех туман Уй-жой коммунал хизмат кўрсатиш бўлими бошлиғи О.Муминовнинг ахбороти тингланди.

Шунингдек, сессияда “Ёшларни қўллаб-қувватлаш ва аҳоли саломатлигини мустаҳкамлаш йили”да амалга оширишга оид Давлат дастури ижроси бўйича олиб борилаётган ишлар аҳволи тўғрисида Конимех туманидаги ижроси юзасидан Конимех туман ҳокимининг биринчи ўринбосари К.Шамшиевнинг ҳисоботи депутатлар эътиборига ҳавола этилди.

Сессияда туман Табиий газ назорати ва ҳисобининг автоматлаштирилган тизимини жорий этиш лойиҳасини амалга ошириш борасида олиб борилаётган ишлар тўғрисида Ўзбекистон Республикаси Президентининг 2020 йил 24 сентябрдаги “Табиий газ назорати ва ҳисобининг автоматлаштирилган тизимини жорий этиш” лойиҳасини амалга оширишга доир қўшимча чора-тадбирлари тўғрисида”ги ПҚ-4840-сон қарори ижроси бўйича туманда бир қатор ишлар амалга оширилиши белгилаб олинганлиги ҳамда қарорга асосан, табиий газни ҳисобга олиш ва назорат қилишнинг автоматлаштирилган тизимини жорий этишга оид вазифалар юзасидан “Конимехтумангаз” газ таъминоти бўлими бошлиғи Ш.Пармановнинг берган ҳисоботи ҳам депутатлар муҳокамасида бўлди.

Бундан ташқари, сессия ишида туманда сув ресурсларини бошқариш, сув хўжалиги объектларининг техник ҳолатини яхшилаш, шунингдек туманда сув тежовчи суғориш технологияларини жорий этиш сув ресурсларини бошқариш, мавжуд сув хўжалиги объектларини 2021 йил ёзги суғориш мавсумига техник соз ҳолатда тайёрлаш, кутилаётган сув танқислигининг салбий оқибатларини олдини олиш, сув ресурсларидан оқилона фойдаланиш, сувни тежайдиган технологиялар ва сувни иқтисод қилувчи тадбирлар бўйича белгиланган прогноз кўрсаткичларни ижросини таъминлаш юзасидан барча масъулларнинг шахсий масъулиятини ошириш масала ҳам кўриб чиқилди.

Шунингдек, сессияда бошқа масалалар ҳам кўриб чиқилиб, кун тартибидаги барча масалалар юзасидан тегишли қарорлар қабул қилинди.

Ўзбекистон Республикаси Президенти Ш.М.Мирзиёевнинг Олий Мажлисга Мурожаатномасида: “Жаҳон тажрибаси шуни кўрсатадики, қайси давлат фаол инвестиция сиёсатини юритган бўлса, ўз иқтисодиётининг барқарор ўсишига эришган. Шу сабабли ҳам инвестиция – бу иқтисодиёт драйвери, ўзбекча айтганда, иқтисодиётнинг юраги, десак, муболаға бўлмайди. Биз фақат инвестицияларни фаол жалб қилиш, янги ишлаб чиқариш қувватларини ишга тушириш ҳисобидан иқтисодиётимизни жадал ривожлантиришга эришамиз. Иқтисодиётдаги ижобий натижалар эса ижтимоий соҳада тўпланиб қолган муаммоларни тизимли ҳал этиш имконини яратади. Буни ҳаммамиз чуқур тушуниб олишимиз ва ишимизни шу асосда ташкил этишимиз шарт. Хорижий инвестицияларни кенг жалб қилиш учун мамлакатимизнинг инвестиция салоҳиятини тўла намоён этиш чораларини кўришимиз кундалик ҳаётимиздан жой олган энг долзарб масалалардан бири бўлмоғи лозим”, деб таъкидлаб, хорижий инвестицияларнинг иқтисодиётни ривожлантиришдаги ғоят муҳим аҳамиятини ва уни жалб қилишнинг долзарблигини эътироф этади.

Мамлакатнинг иқтисодий ривожланиш даражаси, инвестиция фаоллигининг ўсиш суръатлари инвестиция муҳитига кўп жиҳатдан боғлиқдир. Хорижий инвестицияларни республика иқтисодиётига жалб этиш учун зарурий шарт-шароитлар яратилиши муҳимдир, у, қачонки, қайси мамлакатда иқтисодий, сиёсий, ижтимоий ва ҳуқуқий шартшароитлар мавжуд бўлсагина ўша давлат иқтисодиётига қўйилиши мумкин. Инвестиция муҳитининг жозибадорлиги хорижий инвестициялар оқимини кўпайтиришнинг муҳим омили ҳисобланади.

Ўз навбатида, инвестиция муҳити Конимех туманида алоҳида эътибор марказидадир. Туманда инвесторлар ва тадбиркорларга яратилган имкониятларни кўрган Латвия давлатининг “Geo Resources” МЧЖ хорижий корхонаси раҳбари Жанис Вилгерц 2021-2022 йилларда қиймати 7 млн. АҚШ доллари эвазига донадор фосфорит қазиб олиш таклифини билдирди.

Бундан ташқари 2022-2023 йилларда қиймати 38 млн. АҚШ доллари бўлган фосфорни бойитиш комплексини ташкил этиш бўйича туман ҳокими Муратхан Эгамқулов билан икки томонлама музокара олиб борилиб, келишувга эришилди.

Конимех тумани ҳокимлиги матбуот хизмати.

Президент сайлови мамлакатимизни ривожлантиришнинг бешта муҳим устивор йўналиши бўйича Ҳаракатлар стратегиясида ўз ифодасини топган илғор демократик ғояларнинг амалдаги яна бир ёрқин ифодасидир.

Бу сайловда очиқлик, ошкоралик ва шаффофлик амалда кенг таъминланиши учун участка сайлов комиссияларидан то Марказий сайлов комиссиясигача – барча даражадаги сайлов комиссиялари, барча сайлов ташкилотчилари ўз ишини энг илғор демократик принциплар асосида ва юксак ташкилий даражада амалга оширишини тақозо қилади.

Маълумки, Ўзбекистон Республикаси сайлов қонунчилигига киритилган ўзгартишларга биноан энди Ўзбекистон Республикаси Президенти сайлови, Олий Мажлис Қонунчилик палатаси депутатлари, маҳаллий давлат ҳокимияти вакиллик органлари депутатлари сайлови уларнинг конституциявий ваколат муддати тугайдиган йилда – октябрь ойи учинчи ўн кунлигининг биринчи якшанбасида ўтказилади.

Аввало, сайловга тайёргарлик кўриш жараёнини ҳуқуқий ва услубий жиҳатдан таъминлаш, сайлов жараёни иштирокчиларининг сайлов қонунчилигига оид билим ва кўникмаларини мустаҳкамлаш борасидаги ишларни ўз вақтида ва самарали ташкил этиш муҳим аҳамиятга эга. Шу мақсадда барча округ ва участка сайлов комиссияларининг аъзолари учун семинарлар, тренинглар, ўқув машғулотлари, конференциялар, давра суҳбатлари бошқа тадбирлар, жумладан онлайн мулоқотлар, ўтказилади.

Ушбу вазифалардан келиб чиқиб, Жорий йилнинг 7 июнь куни Конимех тумани 4-сонли болалар мусиқа ва санъат мактабида Ўзбекистон Республикаси Президенти администрациясининг 2021 йил 10 майдаги 05-1-1624-сонли хати ва Ўзбекистон Республикаси Марказий сайлов комиссиясининг 2021 йил 27 апрелдаги 1069-сонли қарори ижроси юзасидан ўқув семинари бошланди.

Ўқув семинар жорий йилнинг 15 июн санасигача давом этади.

Ўзбекистон Республикаси Президенти соврини учун анъанавий тарзда тадбиркорлар, фермерлар ва ҳунармандлар орасида ўтказиладиган «Ташаббус-2021» кўрик-танловини юқори даражада ташкил этиш ва ўтказиш тўғрисидаги Ўзбекистон Республикаси Вазирлар Маҳкамасининг 2019 йил 14 апрельдаги 278-ф-сонли фармойишига асосланиб, Навоий вилояти, Конимех тумани ҳокимлигида «Ташаббус-2021» кўрик-танловининг туман босқичи бўлиб ўтди.

Танловни ўтказишдан мақсад – худудларда кичик бизнес ва хусусий тадбиркорликни жадал ривожланишини рағбатлантирувчи бизнес муҳит яратиш, мамлакат иқтисодиётида хусусий секторнинг улуши ва аҳамиятини ошириш, тадбиркорларнинг касбий маҳорати ва билим даражасини ошириш учун зарурий шарт-шароит яратиш, тадбиркорлик фаолиятидаги илғор тажрибаларни оммалаштириш, тадбиркорлар ўртасида хўжалик алоқаларини кенгайтириш ва улар ишлаб чиқараётган маҳсулотларни реклама қилишга кўмаклашиш, тадбиркорлик фаолиятида корпоратив бошқарув тамойилларини жорий этишга кўмаклашиш ҳисобланади.

Ҳайъат аъзолари иштирокчилар томонидан намойиш этилган маҳсулотларни кўздан кечириб, уларнинг ҳулосасига кўра куйидагилар ғолиб деб топилди:

Асосий номинациялар бўйича:

• Саноат соҳасида – “Йилнинг энг яхши тадбиркори” номинацияси буйича I ўринни туманда фаолият кўрсатаётган “Feed korm chiсkens” МЧЖ;

• Хизмат кўрсатиш соҳасида – “Йилнинг энг яхши тадбиркори” номинацияси бўйича I ўринни туманда фаолият кўрсатаётган “Konimex-Qizilqum Shubat ” МЧЖ;

• “Йилнинг энг яхши ёш тадбиркори” номинацияси бўйича I ўринни туманда фаолият юритаётган “Aykerim” МТМ;

• “Йилнинг энг яхши фермери” йўналишида I ўринни эса, “Учкун-Наркул-ўғли” ФХ;

• “Йилнинг энг яхши ҳунарманди” йўналишида I ўринни туманда фаолият кўрсатаётган ЯТТ Джурақулова Дилнавоз Эргашбоевна эгаллаб кўрик-танловнинг вилоят босқичига йўлланмани қўлга киритишди.

Конимех тумани ҳокимлиги Ахборот хизмати.