Войти
Закрыть

Туман ҳокимининг 2018 йил 27 октябрдаги Қ-690-сонли қарори

Mahalliy yangiliklar / Tuman hokimi qarorlari / Normativ

2019йилда Ижтимоий муҳофазага муҳтож, иш топишда қийналаётган ва меҳнат бозорида тенг шартларда рақобатлаша олмайдиган шахсларни ишга жойлаштириш учун иш ўринларининг энг кам сонини белгилаш ва захирага қўйиш тўғрисида

ЎРП “Ўзбекистон Республикасида одамнинг иммунитет танқислиги вируси келтириб чиқарадиган касаллик тарқалишига қарши курашиш тизимини янада такомиллаштириш чора-тадбирлари тўғрисида”ги қарор бўйича

Mahalliy yangiliklar

 

Ўзбекистон Республикаси Президентининг "Ўзбекистон Республикасида одамнинг иммунитет танқислиги вируси келтириб чиқарадиган касаллик тарқалишига қарши курашиш тизимини янада такомиллаштириш чора-тадбирлари тўғрисида”ги қарор бўйича


 

     Одамнинг иммунитет танқислиги вируси оқибатида келиб чиққан касаллик, яъни ОИВ касаллиги бугунги кунда барча мамлакатлар учун муҳим муаммога айланди. Унинг таъсири бугун соғлиқни сақлаш тизимигагина эмас, балки кўплаб мамлакатларнинг иқтисодий ва миллий хафвсизлигига жиддий хавф туғдирмоқда. Сўнгги йилларда халқаро миқёсда ОИВ касаллиги тарқалишига қарши кураш масаласига ёндашувлар кескин ўзгарди. Дунёда, шу жумладан, республикамизда ОИВ инфекцияси бўйича вазият ўзгариб бормоқда. Бу эса ўз навбатида ушбу инфекцияга қарши чора-тадбирларни мукаммал, замон талабларига мос ҳолда бўлишини талаб этади.

     Мамлакатимизда аҳолини ОИВга қарши текширувини бугунги кун талабларига мос равишда ҳуқуқий жиҳатдан асослаб берувчи кўплаб қонун ҳужжатлари мавжуд. Ўзбекистон Республикасининг Жиноят кодекси, Маъмурий жавобгарлик тўғрисидаги кодекси, "Одамнинг иммунитет танқислиги вируси келтириб чиқарадиган касаллик (ОИВ инфекцияси) тарқалишига қарши курашиш тўғрисида”ги Қонун, Одамнинг иммунитет танқислиги вирусига тиббий текширувдан ўтказиш қоидалари, шунингдек Ўзбекистон Республикаси Президентининг "Ўзбекистон Республикасида одамнинг иммунитет танқислиги вируси келтириб чиқарадиган касаллик тарқалишига қарши курашиш тизимини янада такомиллаштириш чора-тадбирлари тўғрисида”ги қарори ОИВга тиббий текширувдан ўтказиш, текширувдан ўтаётган шахснинг соғлиғи ҳолатини ўрганиш ва уларнинг ҳуқуқ ва манфаатларини ҳимоя қилиш, ОИВ инфекциясига барвақт ташхис қўйиш, бошқаларга юқишининг олдини олиш, тарқалганлик даражасини ҳамда унга қарши кураш тадбирлари самарадорлигини баҳолашда асосий норматив-ҳуқуқий ҳужжатлар ҳисобланади.

     Шу ўринда, ОИВнинг тиббий текшируви жараёнидаги айрим қоидаларга тўхталиб ўтсак:

–даволаш-профилактика муассасаларининг тиббиёт ходимлари ОИВга тиббий текширувдан ўтаётган шахслар тўғрисидаги маълумотлар махфийлигини таъминлашлари шарт;

– даволаш-профилактика муассасаси тиббиёт ходимлари ОИВни юқтириб олган шахсни даволашда ҳамда профилактик чора-тадбирларни амалга оширишда шифокор сирини сақлаган ҳолда шахсга нисбатан инсонпарварлик муносабатида бўлиб, унинг ҳуқуқларини поймол қилмасдан зарур тиббий ёрдам кўрсатиши шартлиги кўрсатиб ўтилган;

– агарда текширувдан ўтаётган шахсда ОИВ аниқланган тақдирда, 
у билан кейинги маслаҳатлашув ўтказилиб, диспансер ҳисобига қўйилиши ва мазкур шахс ўзга шахсларга ОИВ инфекциясини юқтирганлик учун жиноий жавобгарлик тўғрисида ёзма равишда огоҳлантирилиши белгилаб қўйилган;

– тиббий текширувдан ўтказиш натижалари шифокор сири бўлиб, уни шахс ёки унинг қонуний вакилининг розилигисиз ошкор қилишга йўл қўйилмаслиги таъкидланади;

– шахс аноним равишда текширувдан ўтказилиб, унда мусбат натижа аниқланганда, шахснинг қон намуналарини лаборатор таҳлил қилиш тўхтатилиши ва шахс билан кейинги маслаҳатлашув ўтказилиши ҳамда шахсини тасдиқловчи ҳужжат асосида ихтиёрий равишда ОИВга тиббий текширувдан ўтказилиши тавсия этилиши мумкин.

     ОИВга тиббий текширувдан ўтказиш қоидаларига асосан текширувдан ўтаётган шахснинг илтимосига кўра ОИВ мавжуд эмаслиги тўғрисида тасдиқланган шаклдаги сертификат берилиши таъминланади. Ушбу сертификатни бериш қонун ҳужжатларида белгиланган тартибда, фақат ОИТСга қарши курашиш марказларида ҳақ эвазига амалга оширилиши ва бошқа тиббий муассасалар томонидан берилган ОИВ мавжуд эмаслиги тўғрисида сертификат ҳақиқий эмас деб ҳисобланади.

     Дунёнинг ко`пгина давлатларида ОИВ/ОИТС инфекциясини бошқа шахсларга юқтирганлик учун жавобгарлик белгиланган. Айрим давлатларда бунинг учун оғир жазо тайинланади. Ўзбекистон Республикаси Маъмурий жавобгарлик тўғрисидаги кодексининг 57-моддасига кўра ОИВ касаллиги/ОИТСга учраган беморнинг касаллик юқтирилган манбани, шунингдек ўзи билан алоқа қилиб таносил касаллиги ва ОИВ касаллиги/ОИТС юқиши хавфини туғдирган шахсларни яшириши энг кам иш ҳақининг икки бараваридан уч бараваригача миқдорда жарима солишга сабаб бўлади, Жиноят кодексининг 113-моддасига ко`ра эса, била туриб бошқа шахсни ОИВ касаллиги/ОИТСни юқтириш хавфи остида қолдирган ёки унга ОИВ касаллиги/ОИТСни юқтирган шахс беш йилдан саккиз йилгача озодликдан маҳрум қилиш билан жазоланади.

     Хулоса қилиб айтганда, энг муҳими ОИТС биз билан бирга ХХI асрга кириб келаётганини ҳисобга олиб, ҳар бир биримиз бу масалада жон куйдирмоғимиз даркор. Зеро, асримиз вабоси бўлган ОИТС офатидан халқимизни ва келажак авлодни халос этиш ҳар биримизнинг бурчимиздир.


 

Конимех туман адлия бўлими бошлиғи Э.Файзуллаев

 

“Ўзбекистон Республикасида оила институтини мустаҳкамлаш концепциясини тасдиқлаш тўғрисида”ги Президент қарори бўйича

Mahalliy yangiliklar

"Ўзбекистон Республикасида оила институтини мустаҳкамлаш концепциясини тасдиқлаш тўғрисида”ги Президент қарори бўйича


 

     Ўзбекистон Республикасида оила институтини мустаҳкамлаш бўйича асосий йўналишлар этиб белгиланди:

     оила институтини мустаҳкамлашнинг институционал ва ҳуқуқий асосларини такомиллаштириш, ижтимоий шерикликни кучайтириш;

     замонавий оилани мустаҳкамлаш ва ривожлантириш масалалари бўйича фундаментал, амалий ва инновацион тадқиқотлар олиб бориш;

     демографик ривожланишни рағбатлантириш ва оила фаровонлиги даражасини ошириш;

     оиланинг тарбиявий-таълим салоҳиятини мустаҳкамлаш, жамиятда анъанавий оилавий қадриятларни сақлаш, оилаларда маънавий-ахлоқий муҳитни яхшилаш;

     оилаларга таъсирчан методик, консультатив ва амалий ёрдам кўрсатишнинг самарали тизимини яратиш.

     Қарор билан Оила институтини мустаҳкамлаш концепцияси ва оила институтини мустаҳкамлаш концепциясини амалга ошириш бўйича "Йўл харитаси” тасдиқланди.

     Вазирлар Маҳкамаси ҳузуридаги "Оила” илмий-амалий тадқиқот марказига Концепция ва "Йўл харитаси”ни амалга ошириш жараёнининг самарали мувофиқлаштирилиши ҳамда тизимли мониторинги, уларнинг ижроси тўғрисида Ўзбекистон Республикаси Вазирлар Маҳкамасига ҳар чоракда ахборот бериб бориш вазифаси юкланди Халқаро оила кунини республиканинг барча ҳудудларида ҳар йили нишонлаш белгиланди.

"Оила” маркази республикада 2019 йилда ва кейинги йилларда Халқаро оила кунини нишонлаш тўғрисидаги Ҳукумат фармойиши лойиҳасини 2018 йил 1 сентябрга қадар Вазирлар Маҳкамасига тақдим этиши лозим.   

     Жисмоний тарбия ва спорт вазирлиги, Маданият вазирлиги Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда мунтазам равишда спорт ва маданий тадбирларни ташкил этади ҳамда уларни Халқаро оила куни арафасида ўтказади.


Конимех туман бўлими бошлиғи Э.И.Файзуллаев

В будущее В прошлое

Asosiy